ডিজিটেল ডেস্ক
ক’ভিড-১৯ সৈতে মোকাবিলা কৰিবলৈ ভাৰতত প্ৰায় দুটাকৈ লকডাউন ঘোষণা কৰা হৈছিল৷ বৰ্তমান ক’ভিডৰ ভয়াৱহতা কমিছে যদিও ই সম্পূৰ্ণৰূপে নিৰ্মূল হোৱা নাই৷ এনে সময়তে হঠাৎ টুইটাৰত চৰ্চিত হৈছে 'India Lockdown'৷ লগে-লগে শংকিত হৈ পৰিছে ছ’চিয়েল মিডিয়া ব্যৱহাৰকাৰীসকল৷
কিন্তু সৌভাগ্যবশতঃ প্ৰকৃততে কোনো লকডাউন ঘোষণা হোৱা নাই ভাৰতবৰ্ষত৷ দৰাচলতে চলচ্চিত্ৰ নিৰ্মাতা মধুৰ ভাণ্ডাৰকাৰে একে নামৰে এখন ছবি পৰিচালনা কৰিছে ৷ এই ছবিখন অ’টিটিত প্লেটফৰ্মত মুক্তি পাবলৈ ওলাইছে।
কালি ছবিখনৰ এটা টিজাৰ মুক্তি পোৱাৰ পিছতে নেটিজেনে Lockdown India ট্ৰেণ্ডিং কৰিবলৈ ধৰিছিল। আৰু এই ট্ৰেণ্ডিঙেই এতিয়া বিপাঙত পেলাইছে জনতাক৷
২ ডিচেম্বৰত Zee5 ত ছবিখনৰ প্ৰিমিয়াৰ হ’ব৷
ছবিখনৰ জৰিয়তে লকডাউনৰ বাস্তৱ ৰূপটো প্ৰতিফলিত কৰা হৈছে৷ উক্ত চিনেমাখনৰ ট্ৰেইলাৰত প্ৰব্ৰজিত শ্ৰমিকৰ দুৰ্দশা , কোনোদিন নাম নুশুনা ৰোগ এটাৰ মোকাবিলা কৰিবলৈ যাওঁতে মানুহে সন্মুখীন হোৱা জটিলতা, লকডাউনে সাধাৰণ মানুহৰ জীৱনলৈ নমাই অনা ভয়াৱহতাখিনিও ফুটাই তোলা হৈছে৷
লকডাউনৰ পিছত লাহে লাহে আমাৰ জীৱন স্বাভাৱিক অৱস্থালৈ ঘূৰি আহিছে যদিও এতিয়াও লকডাউন বুলিলে শংকিত হৈ উঠোঁ৷ কাৰণ লকডাউনৰ অভিজ্ঞতাখিনি বহুতৰ বাবে ভয়াৱহ আছিল৷। সেয়েহে টুইটাৰত এই ট্ৰেণ্ড দেখি আতংকিত হৈ পৰিল বহুলোক৷ আনফালে এচামে আকৌ সৃষ্টি কৰিলে মীমৰো ৷ অৱশ্যে এনেদৰে ধেমালিৰ জৰিয়তে প্ৰচাৰ চলোৱাৰ বাবে Zee5 ৰ অফিচিয়েল টুইটাৰ হেণ্ডেলে ক্ষমাও বিচাৰে৷
Continue Reading
