ডিজিটেল ডেস্কঃ কিমান নৃশংস হ’লে পত্নীৰ এই অৱস্থা কৰিব পাৰে স্বামীয়ে! কৰ্ণাটকৰ দক্ষিণ কানাড়া জিলাৰ এগৰাকী মহিলাৰ স্বামীয়ে মদ্যপান কৰি চকু আৰু গালত কামোৰাৰ ফলত গুৰুতৰভাৱে আহত হয়।
সোমবাৰে নিশা বেলথাংগাডী অঞ্চলৰ বাসিন্দা সুৰেশ আৰু তেওঁৰ পত্নীৰ মাজত কাজিয়াত লিপ্ত হোৱাৰ পাছতে স্বামীয়ে পত্নীক আক্ৰমণ কৰে। দক্ষিণ কানাড়া আৰক্ষী অধীক্ষক ঋষ্যান্তই ইণ্ডিয়া টুডেক জনোৱা মতে, ৫৫ বছৰীয়া সুৰেশে পত্নীক হাত আৰু হেলমেটেৰে আক্ৰমণ কৰি মুখত কামোৰাৰ ফলত ৰক্তক্ষৰণ হৈ গুৰুতৰভাৱে আঘাতপ্ৰাপ্ত হয়।
আনকি মাকক উদ্ধাৰ কৰিবলৈ অহা তেওঁলোকৰ ছোৱালীজনীকো পিতৃয়ে আক্ৰমণ কৰে। তাৰ পাছত পৰিস্থিতি বিষম দেখি ছোৱালীজনীয়ে ঘৰৰ পৰা পলাই গ’ল।
মঙলবাৰে পুৱা মহিলাগৰাকীক অচেতন অৱস্থাত পৰি থকা অৱস্থাত উদ্ধাৰ হয়। বৰ্তমান তেওঁ আৰু তেওঁৰ কন্যা চিকিৎসালয়ত চিকিৎসাধীন হৈ আছে।
Continue Reading
