কিং খানৰ ঘৰত বিনা নিমন্ত্ৰণত পাৰ্টীত উপস্থিত হয় কপিল শৰ্মা; তাৰপাছত কি ঘটিল?

ডিজিটেল ডেস্ক : বলীউডৰ কিং খানৰ ঘৰত বিনা নিমন্ত্ৰণত উপস্থিত হয় কৌতুক অভিনেতা কপিল শৰ্মা৷ তাৰ পাছত যি ঘটিল আপুনি শুনিলে আপোনাৰ চকু কপালত উঠিব৷ হাস্যৰসিক কথা আৰু কাৰ্যকলাপৰ বাবে অনুৰাগীৰ হৃদয় জয় কৰে কৌতুক অভিনেতা কপিল শৰ্মাই৷ শেহতীয়াকৈ কপিলে ৰোমন্থন কৰা এটা স্মৃতিয়ে অনুৰাগীৰ মন চুই যাবলৈ সক্ষম হয়৷ কপিল শৰ্মাই অনুমতি অবিহনে শ্বাহৰুখ খানৰ ঘৰত প্ৰৱেশ কৰিছিল। তেওঁ নিমন্ত্ৰণ অবিহনে এটি বিশেষ দিনৰ অতিথি হৈ পৰিছিল কিং খানৰ। কৌতুক অভিনেতাজনে অলপতে তেওঁৰ অনুষ্ঠানত এই বিষয়ে ৰোমন্থন কৰি দৰ্শকক হাঁহিৰ খোৰাক দিয়ে। কপিলে কিং খানৰ বিলাসী বাসগৃহ 'মন্নত' চাব বিচাৰিছিল। যাৰ উদ্দেশ্যে কপিলে তেওঁৰ ভগ্নী প্ৰাৰ্থনাৰ সৈতে সাক্ষাৎ কৰিবলৈ শ্বাহৰুখৰ বাসগৃহলৈ ৰাওনা হৈছিল। কিন্তু তাৰ পাছত কি ঘটিছিল? কপিলে কৈছিল, 'মই মোৰ ভগ্নীৰ সৈতে শ্বাহৰুখ ছাৰৰ ঘৰলৈ গৈছিলো। তালৈ গৈ মই দেখিছিলো যে বলীউডৰ তাৰকাসকলৰ সৈতে এটা পাৰ্টী চলি আছে আৰু ঘৰৰ দুৱাৰখন খোলা আছিল। মই মোৰ ড্ৰাইভাৰক গাড়ীখন লৈ ঘৰত প্ৰৱেশ কৰিবলৈ কৈছিলো।' ঘৰত প্ৰৱেশ কৰাৰ পাছতেই কিং খানে আথৌ-বিথৌকৈ মাতি মাতি নিছিল কপিলক৷ তাৰ পাছতেই কপিল আৰু তেওঁৰ ভনীয়েকক পোনপটীয়াকৈ পাৰ্টীলৈ লৈ গৈছিল। ৰাতি তিনি বজাত, কপিলে কিং খানৰ ঘৰত সাধাৰণ পোছাকেৰে পিন্ধি গৌৰী খানৰ সন্মুখত থিয় হৈছিল। কপিলক দেখি শ্বাহৰুখৰ সহধৰ্মিনী গৌৰী খান আনন্দিত হৈ পৰে।