ডিজিটেল ডেস্ক
খেলপথাৰতে কিয় কাজিয়াত লিপ্ত হ’ল ৰোহিত আৰু কাৰ্ত্তিক ? দুই ক্ৰিকেটাৰৰ সংঘৰ্ষৰ ফটো এতিয়া ভাইৰেল হৈ পৰিছে ছ’চিয়েল মিডিয়াত৷ লগতে ফটোক লৈ সৃষ্টি হৈছে যথেষ্ট বিতৰ্কৰ। ইয়াৰ মাজতে দলৰ ভিতৰুৱা কথা প্ৰকাশ কৰিলে সূৰ্যকুমাৰে৷
ৰোহিত শৰ্মাই অষ্ট্ৰেলিয়াৰ বিৰুদ্ধে খেলপথাৰত দিনেশ কাৰ্তিকৰ ওপৰত খং প্ৰকাশ কৰিছিল। ভাৰতৰ অধিনায়কজনক কাৰ্তিকৰ মুখত হেঁচি আঘাত কৰিবলৈ চেষ্টা কৰি থকা দেখা গৈছিল। ৰোহিতৰ খং তেওঁৰ আচৰণত স্পষ্ট হৈছিল। সূৰ্যকুমাৰ যাদৱে ঘটনাটোক কেৱল কৌতুক বুলিহে উল্লেখ কৰিছিল।
মোহালিত ভাৰত চাৰি উইকেটত পৰাজিত হৈছিল। প্ৰথমে বেটিং কৰি তেওঁলোকে ২০৮ ৰাণ সংগ্ৰহ কৰি পৰাজিত হয়৷ কাৰ্তিক আৰু ৰোহিতৰ দ্বাদশ অভাৰত ডিআৰএছ লোৱাৰ ক্ষেত্ৰত মতবিৰোধ হৈছিল। উইকেটকিপাৰ কাৰ্তিকে বলটো বেটত লাগিছিল নে নাই শুনা নাছিল। ৰোহিত অৱশ্যে নিশ্চিত আছিল। ঘটনা সন্দৰ্ভত সূৰ্যকুমাৰে কয় যে, "কেতিয়াবা ষ্টাম্পৰ পিছফালৰ পৰা শব্দ ভালদৰে শুনা নাযায়। এইটো বাওঁ বা সোঁফালৰ পৰা খুব স্পষ্টভাৱে শুনিব পাৰি। আৰু তেওঁলোক দুয়োৰে মাজত যি ঘটিছিল সেয়া কেৱল এটা কৌতুক। ৰোহিত আৰু কাৰ্তিকে ইজনে সিজনক দীৰ্ঘদিন ধৰি জানে। দীঘলীয়া সময়ৰ ধৰি দুয়ো একেলগে খেলিছে৷ তেওঁলোকে খেলপথাৰত এনে ধৰণৰ আমোদজনক কাম কৰিব পাৰে। খেলপথাৰত যথেষ্ট চাপ আছে, তাত তেনেকুৱা কিবা ঘটিব পাৰে। "
ভাৰতে শেষৰ চাৰি অভাৰত ৫৫ ৰাণ সংৰক্ষণ কৰিব নোৱাৰিলে। অভিজ্ঞ বলাৰ হৰ্ষল পেটেল আৰু ভুৱনেশ্বৰ কুমাৰে ডেথ অভাৰত বল কৰিছিল কিন্তু তেওঁলোকে মেচখন জিকিব নোৱাৰিলে। ভাৰতে মেথিউ ৱেডৰ হাতত খেলখন হেৰুৱাইছিল। শুক্ৰবাৰে দ্বিতীয়খন খেলত দুয়োটা দল মুখামুখি হ'ব।
Continue Reading
