ডিজিটেল ডেস্কঃ মধ্যপ্ৰদেশৰ ভিন্দ জিলাৰ পৰা পোহৰলৈ আহিছে এক চাঞ্চল্যকৰ ঘটনা। ককায়েকৰ সৈতে কাজিয়া কৰি এজনী ছোৱালীয়ে গিলিলে এটা ম’বাইল ফোন। ম’বাইল ফোনটো গিলাৰ পাছত প্ৰচণ্ড পেটৰ বিষত ভুগে যুৱতীগৰাকী। তেওঁক ততাতৈয়াকৈ ভিন্দু জিলা চিকিৎসালয়ত ভৰ্তি কৰোৱা হয়। এক্সৰে কৰা পাছত ছোৱালীজনীৰ পেটত মোবাইল ফোন থকাৰ কথা নিশ্চিত কৰে চিকিৎসকে।
অপাৰেচনৰ বাবে যুৱতীগৰাকীক গোৱালিয়ৰৰ জিলা চিকিৎসালয়লৈ প্ৰেৰণ কৰা হয়। তাত ৬ জনীয়া ডাক্তৰৰ দলে ২ ঘণ্টাৰ অপাৰেচনৰ অন্তত ছোৱালীজনীৰ পেটৰ পৰা মোবাইল ফোনটো উলিয়াই আনে। চিকিৎসকৰ মতে, ছোৱালীজনীৰ জীৱন সংকটত পৰিছিল। ভগৱানৰ আশীৰ্বাদ আৰু ভাগ্যৰ বলতহে তেওঁৰ জীৱন ৰক্ষা পৰিল।
এই অদ্ভুত ঘটনাটো ভিন্দ জিলাৰ অমায়ন চহৰৰ। ইয়াতে ১৮ বছৰীয়া যুৱতীগৰাকীৰ ভাতৃৰ সৈতে কোনো এটা বিষয়ক লৈ কাজিয়া হৈছিল। কাজিয়া লাগি খঙতে তেওঁ মোবাইলটো গিলি পেলালে। চাইনা মেড কিপেড মোবাইলটো গিলাৰ কিছু সময়ৰ পাছতে তেওঁৰ পেটত তীব্ৰ বিষ হ’বলৈ ধৰিলে। পৰিয়ালৰ লোকে ভয় খাই লগে লগে তেওঁক ভিন্দ জিলা চিকিৎসালয়লৈ লৈ যায়। ডাক্তৰক সকলো কথা কোৱাৰ পিছত ছোৱালীজনীৰ এক্স-ৰে কৰা হ’ল। যেতিয়া বিষয়টো গুৰুতৰ যেন লাগিল, তেতিয়া ছোৱালীজনীক ভিন্দৰ পৰা লিয়াৰ জয়ৰোগ্য হাস্পতাললৈ প্ৰেৰণ কৰা হয়। ইয়ালৈ আহি কিছু তদন্তৰ অন্তত চিকিৎসকে গম পালে যে মোবাইলটো উলিয়াই আনিবলৈ তেওঁৰ অপাৰেচন হ’ব লাগিব, নহ’লে তেওঁৰ মৃত্যু ঘটিব পাৰে।
জয়ৰোগ্য চিকিৎসালয়ৰ অস্ত্ৰোপচাৰ বিভাগৰ ৬ জনীয়া চিকিৎসকৰ এটা দলে কিশোৰীগৰাকীৰ পেটৰ পৰা মোবাইল ফোনটো উলিয়াই অপাৰেচনত জড়িত হৈ পৰে। দুঘণ্টা ধৰি চলা মুকলি অস্ত্ৰোপচাৰৰ অন্তত মোবাইলটো উলিয়াই আনিছিল। জে এ এইচত প্ৰথমবাৰৰ বাবে এনে অপাৰেচন কৰা হৈছিল। জয়ৰোগ্য চিকিৎসালয়ৰ অধীক্ষক ডাঃ আৰ কে এছ ঢাকাদে কয় যে যদি সময়মতে ছোৱালীজনীক চিকিৎসালয়লৈ অনা নহ’লহেঁতেন তেন্তে তেওঁৰ জীৱন বচাব পৰা নগ'লহেঁতেন।
Continue Reading
