কলিকতা উচ্চ ন্যায়ালয়ৰ ন্যায়াধীশৰ বিদায় ভাষণত ক’লে ন্যায়াধীশ চিত্তৰঞ্জন দাসে- 'মই এজন আৰ এছ এছৰ সদস্য... উভতি যাবলৈ সাজু'

 দাসে কয় "মই সংগঠনটোৰ ওচৰত বহুত ঋণী... মই মোৰ শৈশৱৰ পৰা আৰু মোৰ যৌৱনকালতো তাত আছিলো," । তেওঁ কয়, "মই সাহসী, পোন হ'বলৈ শিকিছোঁ আৰু আনৰ বাবে আৰু সৰ্বোপৰি দেশপ্ৰেমৰ অনুভূতি তথা কামৰ প্ৰতি প্ৰতিশ্ৰুতিবদ্ধ।" ন্যায়াধীশ দাসে  কয় যে তেওঁ নিজৰ পেছাৰ  বাবে  প্ৰায় ৩৭ বছৰ ধৰি সংগঠনটোৰ পৰা নিজকে আঁতৰাই ৰাখিছিল। তেওঁ লগতে  কয়, "মই কেতিয়াও মোৰ কেৰিয়াৰৰ  উন্নতিৰ বাবে সংগঠনটোৰ সদস্য পদ ব্যৱহাৰ কৰা নাই , কিয়নো ই সংগঠনটোৰ  নীতিৰ বিৰোধী।" ন্যায়াধীশ দাসে কয় যে তেওঁ সকলোকে সমানে ব্যৱহাৰ কৰিছিল, তেওঁলোক ধনীয়েই  হওঁক বা দৰিদ্ৰই  হওঁক, কমিউনিষ্টেই হওঁক, বিজেপি,  কংগ্ৰেছ, বা টিএমচি (তৃণমূল কংগ্ৰেছ)য়েই হওঁক। সকলো মোৰ আগত সমান, মই কাৰো বাবে বা কোনো নিৰ্দিষ্ট ৰাজনৈতিক দৰ্শন বা প্ৰণালীৰ বাবে কোনো পক্ষপাতিত্ব নকৰোঁ," । তেওঁ লগতে  কয় যে তেওঁ সহানুভূতিৰ নীতিৰ আধাৰত  ন্যায় প্ৰদান কৰিবলৈ চেষ্টা কৰিছিল।  তেওঁ কয়  যে যদি আৰএছএছে  তেওঁক কোনো কামৰ বাবে মাতে তেন্তে তেওঁ সেয়া কৰিবলৈ সক্ষম হৈ আছে আৰু "সংগঠনলৈ ঘূৰি যাবলৈ সাজু" হৈ আছে। যিহেতু মই মোৰ জীৱনত একো ভুল কৰা নাই, মই  আৰএছএছৰ সদস্য বুলি  বুলি কোৱাৰ সাহস আছে, কিয়নো সেয়াও ভুল নহয়,"ষ  তেওঁ কয় যে যদি তেওঁ এজন ভাল ব্যক্তি হয়, তেন্তে তেওঁ বেয়া সংগঠনৰ অন্তৰ্ভুক্ত হ'ব নোৱাৰে। 

১৯৬২ চনত তেতিয়াৰ  উৰিষ্যাৰ চোনেপুৰত দাসৰ জন্ম হৈছিল। তেওঁ    উললুণ্ডাৰ বিদ্যালয়ত পঢ়িছিল আৰু ১৯৮৫ চনত কটকৰ পৰা আইনত স্নাতক হোৱাৰ আগতে ঢেঙ্কানাল আৰু ভুৱনেশ্বৰত শিক্ষা গ্ৰহণ কৰিছিল।  কলিকতা উচ্চ ন্যায়ালয়ৰ ৱেবছাইট অনুসৰি তেওঁ ১৯৮৬ চনত এজন অধিবক্তা হিচাবে যোগদান কৰিছিল আৰু ১৯৯২ চনত ৰাজ্য চৰকাৰৰ অতিৰিক্ত স্থায়ী পৰামৰ্শদাতা হিচাপে নিযুক্ত হৈছিল আৰু সেই পদত  তেওঁ ১৯৯৪ চনলৈকে অধিষ্ঠিত আছিল।  তেওঁ উৰিষ্যা চুপিৰিয়ৰ জুডিচিয়েল চাৰ্ভিচ (ছিনিয়ৰ ব্ৰাঞ্চ)ত পোনপটীয়াকৈ নিযুক্তি লাভ কৰিছিল। ২০০৯ চনৰ অক্টোবৰ মাহত তেওঁ উৰিষ্যা উচ্চ ন্যায়ালয়ৰ অতিৰিক্ত ন্যায়াধীশ হিচাপে উন্নীত হয়। দাসে ২০ জুন, ২০২২ত  ন্যায়াধীশ হিচাপে কলিকতা উচ্চ ন্যায়ালয়ত যোগদান কৰিছিল।