কলকাতাৰ ৰাষ্ট্ৰীয় পুথিভঁৰালত ৰাজনৈতিক সভা: তৃণমূলৰ তীব্ৰ আপত্তি

ডিজিটেল ডেস্ক: কলকাতাৰ ৰাষ্ট্ৰীয় পুথিভঁৰাল চৌহদত বিজেপিৰ ৰাজনৈতিক সভা অনুষ্ঠিত কৰাক লৈ প্ৰতিক্ৰিয়াৰ সৃষ্টি হৈছে কলকাতাত৷ বিষয়টো সম্পৰ্কত তীব্ৰ আপত্তি দৰ্শাইছে কলকাতা তৃণমূল কংগ্ৰেছে৷

কলকাতা তৃণমূল কংগ্ৰেছৰ ৰাজ্যিক উপ-সভাপতি জয়প্ৰকাশ মজুমদাৰে কয় যে পুথিভঁৰালৰ নিয়ম অনুসৰি পুথিভঁৰালৰ চৌহদটো ৰাজনৈতিক উদ্দেশ্যৰ বাবে ব্যৱহাৰ কৰাৰ অনুমতি নাই৷ কিয়নো ই হৈছে কেন্দ্ৰৰ দ্বাৰা পৰিচালিত এক প্ৰতিষ্ঠান। এইটো এটা ঐতিহ্যৰ স্থান৷ তেওঁলোকে এটা সামাজিক সংগঠনৰ নামত অনুমতিৰ বাবে আবেদন কৰি নিয়মবোৰ ভাঙি আছে৷

ইফালে, টিএমচিৰ ৰাজ্যিক সাধাৰণ সম্পাদক কুনাল ঘোষে ৰাশবেহাৰী বসু গৱেষণা প্ৰতিষ্ঠানত গেৰুৱা দলৰ ৰাষ্ট্ৰীয় সভাপতি জে পি নাড্ডাক আদৰণি জনোৱা ফ্লেক্স ব্যৱহাৰ কৰাৰ বাবে বিজেপিক সমালোচনা কৰে, উক্ত ফ্লেক্সখন স্বাধীনতা সংগ্ৰামীৰ প্ৰতিকৃতিৰ ওপৰত ৰখা হৈছিল বুলি তেওঁ সদৰী কৰে৷ বিজেপিৰ কোনো লাজ নাই। তেওঁলোকে বংগৰ এনে এক মহান ব্যক্তিত্বক অপমান কৰাৰ বাবে বিজেপিক ক্ষমা বিচৰাৰ দাবী জনায়৷

দিনটোৰ আৰম্ভণিতে, জেপি নাড্ডাই হুগলী জিলাৰ বন্দে মাতৰম ভৱনো পৰিদৰ্শন কৰিছিল, য’ত বংকিম চন্দ্ৰ চট্টোপাধ্যায়ে ‘বন্দে মাতৰম’ লিখিছিল। জেপি নাড্ডাই কয়, এই ঠাইখন ভ্ৰমণ কৰি মই অভিভূত আৰু সন্মানিত অনুভৱ কৰিছোঁ৷ বংকিম চন্দ্ৰ চট্টোপাধ্যায়ে আমাৰ দেশভক্তিমূলক গীত বন্দে মাতৰম লিখিছিল ইয়াতেই লিখিছিল৷ অমৰ গীতটো আমাৰ সকলোৰে বাবে আজিও শক্তিৰ উৎস হৈ আছে৷