কল্পনা চাওলা আৰু সুনীতা উইলিয়ামছৰ পিছত মহাকাশলৈ যোৱা তৃতীয় গৰাকী মহিলা হ’ব প্ৰীথা

ডিজিটেল ডেস্ক : নাৰীসকলক আজিও সমাজৰ বহু লোকে হেয় জ্ঞান কৰে৷ অসমতো নাৰী সমাজৰ ওপৰত কটু মন্তব্য কৰাৰ বাবে ব্ৰাহ্মণ সমাজৰ সভাপতি পবিত্ৰ কুমাৰ শৰ্মা সমালোচনাৰো পাত্ৰ হৈছে৷ কিন্তু এনে সময়তে আশাৰ বাৰ্তা কঢ়িয়াই আনিছে কেৰালাৰ অথিৰা প্ৰীথা ৰাণীয়ে৷ভাৰতীয় মূলৰ কন্যা অথিৰা প্ৰীথা ৰাণীক নাছাৰ ২০২২ বৰ্ষৰ মহাকাশচাৰী প্ৰশিক্ষণৰ বাবে নিৰ্বাচন কৰা হৈছে৷ প্ৰীথা ৰাণীৰ বয়স ২৪ বছৰ৷ 

 প্ৰীথা ৰাণী কেৰালাৰ থিৰুৱন্তপুৰমৰ নিবাসী৷উল্লেখযোগ্য যে, নাছাই এই প্ৰশিক্ষণৰ বাবে সমগ্ৰ বিশ্বৰৰ মাত্ৰ ১২ জন লোককহে নিৰ্বাচন কৰিছে৷ সেই বাৰজন লোকৰ ভিতৰত আছে কেৰালাৰ প্ৰীথা৷ 

 নাছাই নিৰ্বাচিত লোক সকলক বিশেষ প্ৰশিক্ষণ প্ৰদান কৰিব৷ এই প্ৰশিক্ষণ তিনিৰ পৰা পাঁচ বছৰীয়া হ’ব বুলি জানিব পৰা গৈছে৷প্ৰীথায়ে এই প্ৰশিক্ষণ সম্পূৰ্ণ কৰিবলৈ সক্ষম হ’লে কল্পনা চাওলা আৰু সুনীতা উইলিয়ামৰ পিছত মহাকাশলৈ যোৱা তৃতীয় গৰাকী মহিলা হ’ব৷ প্ৰীথাৰ সাফল্যৰ এই যাত্ৰা অব্যাহত থাকক আৰু বিশ্ববাসীৰ ওচৰত ভাৰতীয়ৰ মৰ্যাদা দুগুণ বৃদ্ধি কৰি তোলক৷