ডিজিটেল ডেস্কঃ কেতিয়াবা কিছুমান কোম্পানীত প্ৰাপ্য দৰমহা বিচাৰি কৰ্মচাৰীয়ে হামৰাও কাঢ়িবলগীয়া হয় আৰু কিছুমান কোম্পানীত কৰ্মচাৰীক উচিত মৰ্যাদা প্ৰদান কৰা হয়। শেহতীয়াকৈ পোহৰলৈ আহিছে এটা কোম্পানীৰ নজিৰবিহীন ঘটনা।
ব্যৱসায় আৰু লাভৰ দৃষ্টিকোণৰ পৰা ২০২২ চনটো টাইৱানৰ এটা কোম্পানীৰ বাবে অতি ভাল আছিল। কোম্পানীটোৱে এই সফলতাক অন্য ধৰণেৰে উদযাপন কৰিবলৈ বিচাৰিছিল। সেয়েহে কোম্পানীটোৰ নিৰ্বাচিত কৰ্মচাৰী কিছুমানক বোনাছ হিচাপে ৫০ মাহৰ দৰমহা একেলগে দিয়ে মালিকে।
এভাৰগ্ৰীণ মেৰিন কৰ্পৰেশ্যনে একাংশ কৰ্মচাৰীক ‘ষ্টেলাৰ বোনাছ’ দিয়াৰ সিদ্ধান্ত লৈছে। চাকৰিৰ গ্ৰেড, কামৰ ভিত্তিত কৰ্মচাৰীসকলক বোনাছ দিয়া হৈছিল। কোম্পানীটোৱে কয় যে কৰ্মচাৰীসকলক ব্যক্তিগত আৰু কোম্পানীৰ প্ৰদৰ্শনৰ ভিত্তিত বছৰৰ শেষত বোনাছ দিয়া হৈছে।
উল্লেখ্য যে ২০২১ চনত এই কোম্পানীটোৰ এখন জাহাজ ছুৱেজ খালত আবদ্ধ হৈ পৰাৰ ফলত সমগ্ৰ বিশ্বতে এই কোম্পানীটো লাইমলাইটত আহি পৰিছিল।
কোম্পানীৰ মালিকে কয় যে- এটা কোম্পানী প্ৰতিষ্ঠিত হয় ইয়াত কাম কৰা কৰ্মচাৰীসকলৰ কষ্টৰ বলত। গতিকে কৰ্মচাৰীসকলক উপযুক্ত মৰ্যাদা প্ৰদান কৰাটো আমাৰ দায়িত্ব। কৰ্মচাৰীসকলেও অনুভৱ কৰিব লাগিব যে তেওঁ য’ত কাম কৰি আছে সেয়া তেওঁৰ বাবে উপযুক্ত কৰ্মথলী।
Continue Reading
