কৰ্মই ধৰ্ম! ড্ৰাইভাৰ হৈ গ্ৰাহকক সেৱা আগবঢ়ায় উবেৰ ইণ্ডিয়াৰ মূৰব্বী প্ৰভজিৎ সিঙে

ডিজিটেল ডেস্কঃ কল্পনা কৰক আপুনি এখন উবেৰ বুক কৰিছে আৰু যেতিয়া গাড়ীখন আহি পায় আপুনি দেখে যে চালকৰ আসনত বহি আছে ভাৰত আৰু দক্ষিণ এছিয়াৰ উবেৰৰ মূৰব্বী প্ৰভজিৎ সিং। কেনে লাগিব তেতিয়া? যদি আপুনি ভাবে যে এনে হোৱাৰ সম্ভাৱনা ক্ষীণ তেন্তে আপুনি একেবাৰে ভুল ভাবিছে কিয়নো কিছুমান গ্ৰাহকে প্ৰায়ে উবেৰ বুক কৰোতে চালক হিচাপে লগ পায় ভাৰত আৰু দক্ষিণ এছিয়াৰ উবেৰৰ মূৰব্বী প্ৰভজিৎ সিঙক। শেহতীয়াকৈ অনন্যা দ্বিবেদী নামৰ এগৰাকী যুৱতীয়ে শ্বেয়াৰ কৰা এক পোষ্ট ভাইৰেল হৈ পৰিছে। অনন্যাই লিখিছিল ''মই বহুদিনৰ পাছত কাৰ্যালয়ৰ কাম কৰিবলৈ বাহিৰলৈ ওলাই আহিছিলো আৰু মই উবেৰ বুক কৰোতে মন কৰিছিলো যে কোনে গাড়ীখন চলাই আহিছিল। উবেৰ বুক কৰাৰ পাছত চালকজনৰ নাম প্ৰভজিৎ সিং বুলি দেখুৱাইছিল। মই নামটো দেখি ভাবিছিলো যে চালকজন ভাৰত আৰু দক্ষিণ এছিয়াৰ উবেৰৰ মূৰব্বী প্ৰভজিৎ সিং হয় কিন্তু মই নিশ্চিত হ'ব পৰা নাছিলোঁ। মই গুগলত তেওঁৰ নাম ছাৰ্চ কৰিছিলোঁ আৰু তেওঁৰ মুখখন মিলাই চাইছিলোঁ আৰু মিলি গৈছিল। মই যেতিয়া মোৰ গন্তব্যস্থল পাইছিলোঁ তেতিয়া মই তেতিয়া তেওঁক সুধিছিলো যে তেওঁৱেই সেইজন প্ৰভজিৎ সিং হয়নে? তেওঁ হয় বুলি উত্তৰ দিছিল। সেয়েহে মই মনৰ আনন্দত তেওঁৰ সৈতে এখন ফটো উঠাৰ লোভ সামৰিব নোৱাৰিলোঁ। এয়া আমাৰ বাবে সঁচাই প্ৰেৰণাদায়ক।'' অনন্যা দ্বিবেদীয়ে পোষ্টটো শ্বেয়াৰ কৰাৰ পাছত উবেৰ ইণ্ডিয়াইও তেওঁৰ পোষ্টটোৰ প্ৰতি সঁহাৰি জনাইছিল। উবেৰ ইণ্ডিয়াই লিখিছিল-''ভাৰত আৰু দক্ষিণ এছিয়াৰ উবেৰৰ মূৰব্বী প্ৰভজিৎ সিঙৰ সৈতে আপোনাৰ যাত্ৰা ভাগ বতৰা কৰাৰ বাবে আপোনাক ধন্যবাদ।'' অৱশ্যে উবেৰ ইণ্ডিয়াৰ মুৰব্বীক কেব চালক হিচাপে বিচাৰি পোৱাৰ ঘটনা এয়াই প্ৰথম নহয়। এই পোষ্টটো ভাইৰেল হোৱাৰ পাছতে বহু কেইজন লোকেই প্ৰভজিৎ সিঙক কেব চালক হিচাপে লগ পোৱাৰ কথা সদৰী কৰে। আৰু পঢ়কঃ নৱজ্যোত সিং সিদ্ধুক পৰাস্ত কৰা জীৱনজ্যোত কৌৰ কোন? কিয় তেওঁক কোৱা হয় ‘পেড ৱমেন’?