ডিজিটেল ডেস্কঃ আজিৰে পৰা কৰ্ণাটকৰ মুখ্যমন্ত্ৰীৰ আসনত বহিল সিদ্দাৰামাইয়া। বেংগালুৰুৰ কান্তিৰাভা ষ্টেডিয়ামত অনুষ্ঠিত হোৱা শপতগ্ৰহণ অনুষ্ঠানত মুখ্যমন্ত্ৰী হিচাপে শপত গ্ৰহণ কৰে সিদ্দাৰমাইয়াই। ডি কে শিৱকুমাৰে উপ-মুখ্যমন্ত্ৰী হিচাপে শপত গ্ৰহণ কৰে।
উল্লেখ্য যে সিদ্দাৰামাইয়া দ্বিতীয়বাৰৰ বাবে কৰ্ণাটকৰ মুখ্যমন্ত্ৰী হৈছে। শনিবাৰে কৰ্ণাটকৰ ৰাজ্যপাল থাৱাৰচান্দ গেহলটে নতুন মুখ্যমন্ত্ৰী সিদ্দাৰামাইয়াক শপত গ্ৰহণ কৰোৱায়।
শপত গ্ৰহণ অনুষ্ঠানত কংগ্ৰেছৰ প্ৰাক্তন সভাপতি ৰাহুল গান্ধী আৰু কংগ্ৰেছ নেত্ৰী প্ৰিয়ংকা গান্ধীও উপস্থিত থাকে। তামিলনাডুৰ মুখ্যমন্ত্ৰী এম কে ষ্টেলিন উপস্থিত থকাৰ বিপৰীতে নাথাকিল পশ্চিম বংগৰ মুখ্যমন্ত্ৰী মমতা বেনাৰ্জী। মমতাৰ অনুপস্থিতিক লৈ হৈছে তীব্ৰ চৰ্চা।
আনহাতে, সিদ্দাৰামায়াৰ মন্ত্ৰীসভাত অন্তৰ্ভুক্ত হোৱা বিধায়কৰ প্ৰথমখন তালিকা প্ৰকাশ কৰা হৈছে। সেইমতে বিভিন্ন বিভাগৰ নতুন মন্ত্ৰীসকল হ’ল- জি পৰমেশ্বৰ, কে এইচ মুনিয়াপ্পা, কে জে জৰ্জ, এম বি পাটিল, সতীশ জাৰ্কিহোলী, প্ৰিয়াংক খাৰ্গে, ৰামলিংগ ৰেড্ডী, বি জেড জমিৰ আহমেদ খান।
উল্লেখ্য যে এআইচিচিৰ সভাপতি মল্লিকাৰ্জুন খাৰ্গৰ পুত্ৰ প্ৰিয়াংক খাৰ্গে হ’ল শপত গ্ৰহণ কৰা দলটোৰ আটাইতকৈ কম বয়সীয়া মন্ত্ৰী।
Continue Reading
