ডিজিটেল ডেস্কঃ মোবাইল ফোন ব্যৱহাৰ নকৰে কৰ্ণাটকৰ আগন্তুক মুখ্যমন্ত্ৰী সিদ্দাৰমাইয়াই। সেয়ে তেওঁৰ সৈতে যোগাযোগ কৰিবলৈ হ’লে যিকোনো ব্যৰ্কিয়ে মুখ্যমন্ত্ৰীজনৰ ব্যক্তিগত সহায়কৰ সৈতে যোগাযোগ কৰিব লাগিব।
৭৬ বছৰীয়া নেতাজনক দুখীয়া মানুহৰ ‘ত্ৰাণকৰ্তা’ বুলি জনা যায়। যোৱা বছৰৰ আগষ্ট মাহত যেতিয়া তেওঁ ৭৫ সংখ্যক জন্মদিন পালন কৰিছিল, তেতিয়া ইয়াৰ নাম দিয়া হৈছিল ‘সিদ্দামহোৎসৱ!’। তাত ৬ লাখ মানুহ সমবেত হৈছিল। আনকি ৰাহুল গান্ধী তালৈ যাওঁতেও ঘণ্টাৰ পিছত ঘণ্টা যান-জঁটত আবদ্ধ হৈ থাকিবলগা হৈছিল।
সমালোচকসকলেও তেওঁক ‘সিদ্দামুল্লাহ’ বুলি কয়। কিন্তু এইজন ‘অহিন্দা’ নেতা (কৰ্ণাটকৰ ৰাজনীতিত ব্যৱহৃত বিশেষ শব্দ) সেই কথাত অসন্তুষ্ট বা অসুখী নহয়।
সিদ্দাৰামাইয়া সদায় স্পষ্টবাদী ৰাজনীতিবিদ। ১৯৪৭ চনত মাইশূৰু জিলাৰ সিদ্দাৰমনাহুণ্ডী গাঁৱৰ এটা দৰিদ্ৰ কৃষক পৰিয়ালত জন্মগ্ৰহণ কৰিছিল সিদ্দাৰমাইয়াই। তেওঁলোক ইমানেই দুখীয়া আছিল যে তেওঁ ১০ বছৰ বয়সলৈকে স্কুললৈ যোৱা নাছিল। কিন্তু পিছলৈ তেওঁ পঢ়া-শুনা আৰম্ভ কৰি মহীশূৰ বিশ্ববিদ্যালয়ৰ পৰা বি এ আৰু আইনত উত্তীৰ্ণ হয়। প্ৰাথমিক জীৱনত তেওঁ আছিল এজন উকীল। ৰাজনীতিত ভৰি দিয়াৰ আগতে তেওঁ মাইশূৰু অঞ্চলৰ কৃষকৰ কণ্ঠস্বৰ হৈ পৰিছিল। ‘কৃষক অধিবক্তা’ নামেৰেও পৰিচিত হৈ পৰিছিল।
২০১৩ চনত কংগ্ৰেছে ২২৪খন বিধানসভাৰ আসনৰ ভিতৰত ১২২খন আসন লাভ কৰিছিল। ‘সিদ্দা’ প্ৰথমবাৰৰ বাবে ৰাজ্যৰ মুখ্যমন্ত্ৰী হয়।
যদি এইবাৰ ৫ বছৰীয়া কাৰ্যকাল সম্পূৰ্ণ কৰিব পাৰে, তেন্তে তেওঁ ইতিহাস ৰচনা কৰিব। কাৰণ কৰ্ণাটকৰ কোনো নেতাই এই পৰ্যন্ত শীৰ্ষ পদত দুটা কাৰ্যকাল সম্পূৰ্ণ কৰা নাই।
Continue Reading
