ডিজিটেল ডেস্কঃ দক্ষিণৰ ৰাজ্য কৰ্ণাটকত বিজেপিৰ পৰাজয়ত মমতা বেনাৰ্জী উৎফুল্লিত হৈ পৰিছে। কংগ্ৰেছৰ নাম নোলোৱাকৈয়ে মমতাই কয় "কৰ্ণাটকৰ ৰাইজে পৰিৱৰ্তনৰ সপক্ষে ভোট দিছে। তেওঁলোকক ধন্যবাদ। যদি মানুহে বিচাৰে, তেওঁলোকে আধিপত্যবাদী চৰকাৰ, আনকি তেওঁলোকৰ একচেটিয়া অধিকাৰকো দমন কৰিব পাৰে’’। লক্ষ্যণীয়ভাবে মমতাৰ অভিনন্দন বাৰ্তাত কংগ্ৰেছৰ নাম ঘূণাক্ষৰেও উল্লেখ কৰা দেখা নগ’ল। ৰাজ্য খনৰ নিৰ্বাচনী ফলাফল স্পষ্ট হোৱাৰ লগে লগে মমতাই টুইটাৰযোগে কৰ্ণাটকৰ জনসাধাৰণক অভিনন্দন জনায়।
মমতাই টুইটত কয় "পৰিৱৰ্তনৰ সপক্ষে ভোট দিয়াৰ বাবে কৰ্ণাটকৰ জনসাধাৰণক প্ৰশংসা। নিষ্ঠুৰ, একচেটিয়া শক্তিত বিশ্বাস কৰা ৰাজনীতি পৰাজিত হৈছে। যেতিয়া মানুহে বহুত্ববাদী আৰু গণতান্ত্ৰিক শক্তিৰ বিজয় বিচাৰে, কোনেও তেওঁলোকৰ স্বতঃস্ফূৰ্ততা দমন কৰিব নোৱাৰে।’’ তেওঁ লগতে কয়, "এয়াই শেষ কথা। ভৱিষ্যতৰ শিক্ষা’’।মমতাৰ এই টুইটে বহুতৰে মনত প্ৰশ্নৰ উদয় ঘটাইছে- টিএমচিয়ে বিজেপিৰ দৰে কংগ্ৰেছৰ পৰাও দূৰত্ব বজাই ৰাখিব বিচাৰিছে নেকি নেকি? তেওঁ দক্ষিণ ভাৰতৰ কৰ্ণাটকক বিজেপিৰ পৰা মুক্ত কৰিলেও কংগ্ৰেছক কৃতিত্ব দিবলৈ কিয় অনিচ্ছুক?
টিএমচিৰ ৰাষ্ট্ৰীয় সাধাৰণ সম্পাদক অভিষেক বেনাৰ্জীয়েও মমতাৰ সুৰতে সুৰ মিলায় কয় "পৰিৱৰ্তনৰ কাৰণ হৈছে মানুহে এয়া বিচাৰে। যদি মানুহে বিজেপিক প্ৰত্যাখ্যান কৰিব নিবিচাৰে, কোনো ভাৰত জোড়ো যাত্ৰাই প্ৰভাৱ পেলাব নোৱাৰিলেহেঁতেন"। অৱশ্যে, তেওঁ দাবী কৰে যে বংগই এনে প্ৰত্যাখ্যানৰ পথ দেখুৱাইছে।তেওঁ কয় "২০২১ চনত বংগই বিজেপিৰ ঘৃণামূলক ৰাজনীতিক প্ৰত্যাখ্যান কৰিছিল। কৰ্ণাটকে আজি সেয়া অনুসৰণ কৰিছে। বংগই আজি যি ভাবে সেয়া কাইলৈ সমগ্ৰ দেশে ভাবিব বুলিও তেওঁ কয়।
Continue Reading
