ডিজিটেল ডেস্কঃ বিশ্বকাপত আন এজন চুপাৰষ্টাৰে প্ৰথম ৰাউণ্ডৰ পৰাই বিদায় ল'বলগীয়া হ’ল। উৰুগুৱেই গ্ৰুপ লীগৰ বাধা অতিক্ৰম কৰিব নোৱাৰাৰ বাবে এইবাৰ লুইছ চুয়াৰেজৰ বিশ্বকাপ অভিযান সমাপ্ত হ’ল।গ্ৰুপ লীগৰ অন্তিমখন খেলত ঘানাক ২-০ গ'লত পৰাস্ত কৰাৰ পিছতো উৰুগুৱেই প্ৰতিযোগিতাখনত টিকি থাকিব নোৱাৰিলে।
শক্তিশালী যুঁজৰ পিছতো পৰ্তুগালে তেওঁলোকৰ অন্তিম লীগ মেচখনত দক্ষিণ কোৰিয়াৰ হাতত ১-২ গ'লত পৰাস্ত হোৱাৰ পিছত চুয়াৰেজৰ সপোন ভংগ হ’ল।
দক্ষিণ কোৰিয়াৰ সৈতে উৰুগুৱেৰ একে সংখ্যক পইণ্ট আছে। দুয়োটা দলে গ'লৰ পাৰ্থক্যৰ ক্ষেত্ৰতো একে ঠাইতে অৱস্থান কৰিছে। অৱশ্যে অধিক গ'ল কৰাৰ বাবে দক্ষিণ কোৰিয়াই উৰুগুৱেক অতিক্ৰম কৰি নক-আউটত উপনীত হ’বলৈ সক্ষম হয়।তাৰকা ফুটবল খেলুৱৈসকলে যদি বিশ্বকাপৰ দৰে ডাঙৰ মঞ্চত অনুৰাগীসকলৰ প্ৰত্যাশা পূৰণ কৰিব নোৱাৰে তেন্তে তেওঁলোক আৱেগিক হৈ পৰাটো স্বাভাৱিক।
অতি দুৰ্ভাগ্যজনক পৰিস্থিতিত বিশ্বকাপ এৰিবলৈ বাধ্য হোৱাৰ বাবেই চুয়াৰেজ আৱেগিক হৈ পৰিল। তেওঁ কোনোপধ্যে চকুপানী ৰখাব নোৱাৰিলে। সকলোৰে সন্মুখত চুয়াৰেজ কান্দোনত ভাগি পৰে।তেওঁ হতাশাত জাৰ্চীৰে মুখ খন ঢাকি ধৰিছিল।চুয়াৰেজ কান্দোনত ভাগি পৰাৰ ভিডিঅ’ ইতিমধ্যে ভাইৰেল হৈ পৰিছে।চুয়াৰেজৰ প্ৰথমাৰ্ধৰ সহায়ত ঘানাৰ বিৰুদ্ধে গ্ৰুপ এইচ ৰ খেলখনত উৰুগুৱেই ২-০ ৰ অগ্ৰগতি লাভ কৰে।
Continue Reading
