কোন কংগ্ৰেছ নেতাৰ ঘৰত বিয়া খোৱাৰ পিছত অসুস্থ হ'ল ১২০০মানুহ?

ডিজিটেল ডেস্কঃ এগৰাকী কংগ্ৰেছ নেতাৰ পুত্ৰৰ বিয়া খাই অসুস্থ হ'ল ১২০০ ৰো অধিক লোক। বিয়া খাই অসুস্থ হৈ পৰা লোককেইজনক হাস্পতালত ভৰ্তি কৰোৱা হৈছে। এই ঘটনা সংঘটিত হৈছে গুজৰাটৰ মেহছানা জিলাত। ভিচনগৰ গ্ৰাম্য আৰক্ষী থানাৰ এজন বিষয়াই জনোৱা অনুসৰি, শুকুৰবাৰে নিশা মেহছানাৰ ভিচনগৰ তালুকাৰ চাভলা গাঁৱত এই ঘটনা সংঘটিত হয়। মেহছানাৰ আৰক্ষী অধীক্ষক পাৰ্থৰাজ সিংহ গোহিলে কয় যে বিবাহ অনুষ্ঠানত খাদ্য খোৱাৰ পিছত ১২০০ ৰো অধিক লোক অসুস্থ হৈ পৰিছিল আৰু চিকিৎসালয়ত ভৰ্তি হ'ব লগা হৈছিল। খাদ্য খোৱাৰ পাছত লোকসকলে বমি আৰু ডায়েৰিয়াৰ অভিযোগ কৰিছিল, যাৰ পিছত তেওঁলোকক ভিচনগৰ, মেহছানা আৰু ভাদনগৰৰ বিভিন্ন চিকিৎসালয়লৈ লৈ যোৱা হৈছিল। আৰক্ষীয়ে জনোৱা অনুসৰি কংগ্ৰেছ নেতাৰ পুত্ৰৰ বিয়াত বহু সংখ্যক লোক উপস্থিত আছিল। আৰক্ষীয়ে ঘটনাটোৰ বিতং তদন্ত কৰি আছে। বিবাহ অনুষ্ঠানত পৰিৱেশন কৰা খাদ্যৰ নমুনা ফৰেনচিক বিজ্ঞান গৱেষণাগাৰ আৰু খাদ্য আৰু ঔষধ বিভাগৰ দ্বাৰা পৰীক্ষাৰ বাবে সংগ্ৰহ কৰা হৈছে। প্ৰথমাৱস্থাত আৰক্ষীয়ে এয়া ফুড পইজনিং বুলিয়ে সন্দেহ কৰিছে যদিও তদন্তৰ অন্ততহে প্ৰকৃত সত্য পোহৰলৈ আহিব বুলি সদৰী কৰিছে। আৰু পঢ়কঃ আজিৰ দিনটোৱে কি কঢ়িয়াই আনিছে আপোনাৰ বাবে…চাওঁ আহক ৰাশিফল