কোন কোন সমষ্টিত প্ৰতিদ্বন্দ্বিতা কৰিব কংগ্ৰেছে? সাজু প্ৰাৰ্থীৰ তালিকা

গুৱাহাটী : ৰাজ্যৰ সমাগত উপ-নিৰ্বাচনক লৈ শাসক-বিৰোধীৰ মাজত ততপৰতা ব্যাপকভাৱে বৃদ্ধি পাইছে৷ পাঁচটা সমষ্টিত অনুষ্ঠিত হ'বলগা উপ-নিৰ্বাচনত প্ৰাৰ্থী প্ৰদানক লৈ এতিয়া ব্যস্ত হৈ পৰিছৈ ৰাজনৈতিক দলসমূহ৷ বিৰোধী দল কংগ্ৰেছো সাজু হৈছে নিৰ্বাচনৰ বাবে৷ অৱশ্যে তেওঁলোকে আটাইকেইটা সমষ্টিতে প্ৰতিদ্বন্দ্বিতা কৰিবলৈ ইচ্ছুক নহয়। শুকুৰবাৰে নিশা সম্পন্ন হোৱা বৈঠকত দুটা সমষ্টি সহযোগী দলক এৰি দিয়াৰ বিষয়ে চিন্তা-চৰ্চা কৰিছে কংগ্ৰেছে৷

ৰাইজৰ দল, জাতীয় পৰিষদকৰ সৈতে মিত্ৰতা সন্দৰ্ভত আলোচনা চলি আছে বুলি জনোৱাৰ লগতে এই আলোচনাৰ বাবে ৰকিবুল হুছেইন, দেৱব্ৰত শইকীয়াক দায়িত্ব প্ৰদান কৰিছে৷ কাইলৈ কংগ্ৰেছে ঘোষণা কৰিব উপ-নিৰ্বাচনৰ প্ৰথমখন কংগ্ৰেছৰ প্ৰাৰ্থীৰ তালিকা।

থাওৰা আৰু মৰিয়নি সমষ্টিত কংগ্ৰেছ দলে নিজে নিৰ্বাচন খেলিব। ভৱানীপুৰ সমষ্টি ৰাইজৰ দলক এৰি দিয়াৰ কথা ভাবিছে দলটোৱে। যদিহে ৰাইজৰ দলে কংগ্ৰেছৰ দলৰ প্ৰস্তাৱ গ্ৰহণ নকৰে তেনেহ’লে ভৱানীপুৰত কংগ্ৰেছে প্ৰাৰ্থীত্ব প্ৰদান কৰিব বুলিও জানিবলৈ দিয়ে অসম প্ৰদেশ কংগ্ৰেছৰ সভাপতি ভূপেন বৰাই৷