ডিজিটেল ডেস্ক
ভাৰতৰ এজন জ্যেষ্ঠ নেতাক আক্ৰমণৰ পৰিকল্পনা কৰি থকা এজন ইছলামিক ষ্টেট (আইএছ) আত্মঘাতি বোমাৰুক ৰাছিয়াই আটক কৰিছে বুলি সোমবাৰে ৰাছিয়াৰ সংবাদ সংস্থা আৰ আই এ নোভোস্তিয়ে দাবী কৰিছে৷
সংবাদ সংস্থাটোৱে মুকলি কৰা এটা ভিডিঅ'ত নিজকে 'আজমভ' বুলি পৰিচয় দিয়া ব্যক্তি এজনক দেখা গৈছিল৷ আনকি এই ব্যক্তিজনে ৰাছিয়াৰ সংবাদ সংস্থাটোৱে দাবী কৰা সকলো কথা মানি লৈছিল । ব্যক্তিজন মধ্য এছিয়াৰ এখন দেশৰ নাগৰিক বুলি জানিব পৰা গৈছে ৷
বন্দীজনে ভিডিঅ'টোত কয় যে,“২০২২ চনত মই ৰাছিয়ালৈ উৰা মাৰিছিলো৷ য'ৰ পৰা মোৰ ভাৰতলৈ যোৱাৰ পৰিকল্পনা আছিল। ভাৰতত, পয়গম্বৰ মুহম্মদক অপমান কৰাৰ বাবে ইছলামিক ষ্টেটৰ নিৰ্দেশত সন্ত্ৰাসবাদী আক্ৰমণ সংঘটিত কৰিবলৈ কোৱা হৈছিল আৰু সকলো প্ৰয়োজনীয় বস্তু যোগান ধৰাৰ কথা আছিল।”
লগতে ৰাছিয়াৰ ফেডাৰেল চিকিউৰিটি চাৰ্ভিচে (এফএছবি) দেশখনৰ চোৰাংচোৱা সংস্থাই আই এছ আই এছ সন্ত্ৰাসবাদীক আটক কৰা সন্দৰ্ভত নিজৰ বিবৃতি প্ৰকাশ কৰিছে৷
এফ এছ বিবৃতিত কোৱা হৈছে যে, এফ এছ বিয়ে নিষিদ্ধ ঘোষিত আন্তঃৰাষ্ট্ৰীয় সন্ত্ৰাসবাদী সংগঠন ইছলামিক ষ্টেটৰ এজন সদস্যক চিনাক্ত আৰু আটক কৰে৷ এই ব্যক্তিজনে ভাৰতৰ শাসকীয় চক্ৰৰ এজন প্ৰতিনিধিৰ বিৰুদ্ধে আত্ম-বিস্ফোৰণৰ দ্বাৰা সন্ত্ৰাসবাদী কাৰ্য সংঘটিত কৰাৰ পৰিকল্পনা কৰিছিল৷
বিবৃতিটোত লগতে কোৱা হৈছে যে, আটক কৰা ব্যক্তিজনক এজন আই এছ নেতাই তুৰস্কত আত্মঘাতি বোমাৰু হিচাপে নিয়োগ কৰিছিল।
Continue Reading
