ডিজিটেল ডেস্ক
ই-কমাৰ্চ ৱেবছাইট আমাজন আৰু এক্সোটিক ইণ্ডিয়াই এইবাৰ ভগৱান কৃষ্ণৰ এক অশালীন ছবি প্ৰচাৰ কৰি নিজৰ বিপদ নিজেই মাতি আনিলে৷ জন্মাষ্টমীৰ সময়তেই হিন্দু সকলৰ আৰাধ্য দেৱতা শ্ৰীকৃষ্ণ আৰু ৰাধাৰ অশালীন ফটোক আমাজনে ব্যৱসায় কৰাক লৈ ক্ষোভিত হৈ পৰিছে ভক্ত সকল৷ আৰু প্ৰতিবাদ হিচাপে হিন্দু ভক্ত সকলে এতিয়া গঢ়ি তুলিছে বয়কট আমাজন ট্ৰেণ্ড৷
চিত্ৰখনত
আমাজনে ব্যৱহাৰ কৰা এই বিশেষ ছবিখনত হিন্দু ভগৱান শ্ৰীকৃষ্ণক আপত্তিজনক আৰু অশ্লীল ভঙ্গীত দেখুওৱা হৈছে।কেইবাজনো টুইটাৰ ব্যৱহাৰকাৰীয়ে সামাজিক মাধ্যমত তেওঁলোকৰ অসন্তুষ্টি প্ৰকাশ কৰিছে৷ চিত্ৰখনত ভগৱান কৃষ্ণ আৰু ৰাধাক একেলগে উলংগ অৱস্থাত দেখুওৱা হৈছে। আৰু এই ছবিখন বিক্ৰীৰ বাবে প্ৰচাৰ কৰিছিল ই কমাৰ্চ ৱেবছাইট আমাজনে৷
এই ফটোখনক কেন্দ্ৰ কৰি ক্ৰমান্বয়ে বিতৰ্ক বৃদ্ধি পাইছে৷ আৰু ক্ষোভিত ভক্ত সকলে ন্যায়ৰ বাবে ছ'চিয়েল মিডিয়াত আমাজন বয়কট কৰিবলৈ আহ্বান জনাইছে।
আনহাতে বহুতে দাবী কৰিছে যে আমাজনে আমাজনে ইয়াৰ বাবে ৰাজহুৱাভাৱে ক্ষমা বিচাৰিব লাগে। তদুপৰি শ্ৰীকৃষ্ণ আৰু ৰাধাৰ সম্পৰ্ক ইমান পবিত্ৰ হোৱা স্বত্বেও আমাজনে কেনেকৈ তেওঁলোকৰ অশ্লীল ফটো প্ৰচাৰ কৰিবলৈ সাহস পালে বুলিও বহুতে প্ৰশ্ন কৰিছে৷ লগতে ভৱিষ্যতে এনে ভুল নকৰিবলৈ হিন্দু ভক্তসকলে সকিয়াই দিছে আমাজনক৷
Continue Reading
