ডিজিটেল ডেস্কঃ বয়স মাত্ৰ ত্ৰিশ বছৰ। এই বয়সতে ৪৭ টা সন্তানৰ পিতৃ তেওঁ। বিগত ৮ বছৰত এইজন যুৱকে শিশুৰ সংখ্যাৰে এতিয়া অৰ্ধ শতক অৰ্জন কৰাৰ দিশে। আনকি আন ১০ টি শিশুৱে পৃথিৱীৰ পোহৰ দেখাৰ অপেক্ষাত বুলি খবৰ ওলাইছে। এনে পৰিপ্ৰক্ষিতত যুৱকজনৰ আক্ষেপ, ছোৱালীবোৰে তেওঁক গুৰুত্ব নিদিয়ে, তেওঁক লগ কৰিব নিবিচাৰে। ফলস্বৰূপে, কোনো প্ৰেমৰ সম্পৰ্কই গঢ় লৈ উঠা নাই তেওঁৰ সৈতে। যুৱকজনৰ বিষয়ে শুনি আচৰিত হোৱাটো স্বাভাৱিক। সকলোৰে মনত এতিয়া এটাই প্ৰশ্ন-যুৱকজন কোন?
যুৱকজনৰ নাম কাইলি কৰ্ডি। আমেৰিকা যুক্তৰাষ্ট্ৰৰ কেলিফৰ্ণিয়াৰ বাসিন্দা কাইলি কৰ্ডি। কাইলি কৰ্ডি প্ৰকৃততে এজন শুক্ৰাণু দাতা। বিগত ৮বছৰ ধৰি এই কৰ্মত নিয়োজিত কাইলি। এনেদৰেই তেওঁ ৪৭ টা সন্তানৰ বায়’লজিকেল পিতৃ। সম্প্ৰতি, কাইলিৰ জীৱনৰ বিপদ হৈ দেখা দিছে এনে কাৰ্যই। এগৰাকী বায়’লজিকেল পিতৃ হোৱা বাবে কোনো মহিলাৰ সৈতে প্ৰেমৰ সম্পৰ্ক গঢ়ি উঠা নাই কাইলিৰ। বহুলোকে তেওঁৰ সৈতে যোগাযোগ কৰে, কিন্তু শুক্ৰাণুৰ বাবেহে।
মন কৰিবলগীয়া যে, কাইলিয়ে ৮ বছৰ আগতে তেওঁৰ ইনষ্টাগ্ৰামত শুক্ৰাণু দানৰ কথা ঘোষণা কৰিছিল। এনেদৰে, তেওঁ ৮ বছৰত ৪৭ টা সন্তানৰ 'পিতৃ' হয় কাইলি। কিন্তু এই সেৱাৰ ফলস্বৰূপে এনে বিপাকত পৰিব লাগিব বুলি ভবা নাছিল তেওঁ।
কাইলিয়ে কয়, ‘বিগত ৮ বছৰত কমেও এহাজাৰ মহিলাই মোৰ সৈতে যোগাযোগ কৰিছে। কিন্তু তেওঁলোকৰ কোনেও মোৰ সৈতে সম্পৰ্ক গঢ়ি বলৈ আগ্ৰহী নহয়। সকলোৱে এটা শিশুৰ বাবে মোৰ পৰা শুক্ৰাণু বিচাৰে।’ অৱশ্যে, এতিয়া কাইলিয়ে নিজৰ বাবে এটা পৰিয়াল ৰাখিবলৈ আগ্ৰহী। তেওঁ নিজৰ প্ৰিয়জনৰ সন্ধান অব্যাহত ৰাখিছে। কাইলিয়ে কয়, ‘মই মনৰ মানুহখিনিক আৰম্ভণিতে শুক্ৰাণু দান কৰিবলৈ কম। যাতে সম্পৰ্কত স্বচ্ছতা থাকে।’
যদিও তেওঁৰ এই মহান কামে ব্যক্তিগত জীৱনত বিৰূপ প্ৰভাৱ পেলাইছে তথাপি শুক্ৰাণু দান কৰি গৌৰৱান্বিত কাইলি। অলপতে, তেওঁ ‘শুক্ৰাণু দান বিশ্ব ভ্ৰমণ’ৰ বাবে ওলাইছিল। সমগ্ৰ পৃথিৱীজুৰি থকা তেওঁৰ সন্তানসকলক সাক্ষাত্ কৰে কাইলিয়ে। কাইলিয়ে কয়, ‘মোৰ বাবে বহু মহিলাই সন্তান সুখ লাভ কৰিবলৈ সক্ষম হৈছে। কথাষাৰ ভাবি ভাল লাগে। এই কামটোৱে মোক দিছে অন্যতম শ্ৰেষ্ঠ অনুভূতি। মই নিয়মীয়াকৈ শিশুৰ ফটো পাওঁ। তেওঁলোকে ভালে থকা বুলি জানিবলৈ পালে মোৰ ভাল লাগে।’
Continue Reading
