ডিজিটেল ডেস্কঃ চীনত শেহতীয়াকৈ কোভিডত আক্ৰান্ত লোকৰ সংখ্যা ভয়াৱহভাবে বাঢ়িছে।দেশ খনৰ চৰকাৰে কোভিডৰ সংক্ৰমণ ৰোধ কৰিবলৈ কেইবা খনো প্ৰদেশত লকডাউন ঘোষণা কৰিছে। কিন্তু কোভিডৰ সংক্ৰমণ বৃদ্ধি পালেও চীনৰ জনসাধাৰণে লকডাউনৰ পৰা পৰিত্ৰাণ পাব বিচাৰিছে। সেয়ে লকডাউনৰ বিৰুদ্ধে দেওবাৰে পুৱা ছাংহাইত জিনপিং প্ৰশাসনৰ বিৰুদ্ধে প্ৰতিবাদ আৰম্ভ হৈছে। হাজাৰ হাজাৰ লোকে লকডাউনৰ বিৰুদ্ধে ৰাজপথলৈ ওলাই আহিছে।তেওঁলোকৰ একমাত্ৰ দাবী হ'ল চীনৰ সকলো অঞ্চলৰ পৰা লকডাউন উঠাই লোৱা হওঁক।
ইফালে বেইজিঙকে ধৰি কেইবাখনো চহৰলৈ নতুনকৈ কৰোনাৰ সংক্ৰমণ বিয়পি পৰিছে। যোৱা চাৰি দিন ধৰি দৈনিক কৰোনা ভাইৰাছত সংক্ৰমিত ৰোগীৰ সংখ্যা প্ৰায় ৪,০০০হৈছে। ২৬ নৱেম্বৰৰ তথ্য অনুসৰি চীনত নতুনকৈ কৰোনা সংক্ৰমণৰ মুঠ সংখ্যা হৈছে ৩৯,৭৯১। তাৰে ভিতৰত, ৩,৭০৯ জনৰ দেহত কোভিডৰ লক্ষণ আছে।
আক্ৰান্ত ৩৬ হাজাৰ ৮২ জন লোক লক্ষণহীন।ইতিমধ্যে নতুনকৈ এজন ব্যক্তিৰো মৃত্যু হৈছে।সেয়ে কোভিডকলৈ সামগ্ৰিকভাৱে জিনপিং প্ৰশাসনৰ মূৰৰ বিষ পুনৰ বৃদ্ধি পাইছে।
কোভিডৰ সংক্ৰমণৰ লগতে জনতাৰ প্ৰতিবাদে চীনা প্ৰশাসনৰ মূৰৰ বিষ বৃদ্ধি কৰিছে। কেইদিনমান আগতে উৰুমকী চহৰৰ এটা ঘৰত জুই লাগি ১০ জন লোকৰ মৃত্যু হৈছিল। অভিযোগ কৰা হৈছে যে বহু মহলীয়া ভৱনটোৰ চাৰিওফালে লকডাউন চলি থকাৰ বাবেই ভৱনটোৰ বাসিন্দাসকলে পলাই সাৰিব নোৱাৰিলে।
তেতিয়াৰে পৰা সমগ্ৰ দেশখনতে লকডাউনৰ বিৰুদ্ধে প্ৰতিবাদ তীব্ৰতৰ হৈ পৰিছে।আজি পুৱা বহু লোকে ছাংহাই প্ৰদেশত জিনপিং প্ৰশাসনৰ বিৰুদ্ধে প্ৰতিবাদ কৰিবলৈ সমবেত হয়। সকলোৰে একেই দাবী- চীনৰ সকলো প্ৰান্তৰ পৰা কঠোৰ লকডাউন উঠাই লোৱা উচিত। তেওঁলোকে চীনৰ ৰাষ্ট্ৰপতি জি জিনপিঙৰ শাসনৰ সমাপ্তিৰ বাবেও দাবী জনাইছে।
Continue Reading
