ডিজিটেল ডেস্কঃ বিশ্বত এতিয়া কোভিডৰ ত্ৰাস৷ এনে ত্ৰাসৰ মাজতে আন এক বীজাণুৱে এতিয়া বিশ্ববাসীৰ মাজত আন এক আতংকৰ সৃষ্টি কৰিছে৷ এই বীজাণু বিধে পোণে পোণে মানুহৰ মগজুত আক্ৰমণ কৰে৷ মগজুত আক্ৰমণ কৰি বীজাণু বিধে মানুহ এজনক মৃত্যুৰ মুখলৈ ঠেলি দিয়ে৷ বীজাণু বুলি ক’লেও আচলতে ই এক বেক্টেৰিয়াহে৷
শেহতীয়াকৈ দক্ষিণ কোৰিয়াত ধৰা পৰিছে এই বেক্টেৰিয়াৰ৷ ইয়াৰ পূৰ্বে আমেৰিকাতো এই বেক্টেৰিয়াই ত্ৰাসৰ সৃষ্টি কৰিছিল৷ দক্ষিণ কোৰিয়াত নেগলাৰিয়া ফাউলাৰি বা "মগজু খোৱা এমিবা" নামৰ বেক্টেৰিয়া বিধৰ সংক্ৰমণ ধৰা পৰাৰ লগতে এজন লোকৰ মৃত্যুও ঘটিছে৷ । কোৰিয়া ৰোগ নিয়ন্ত্ৰণ আৰু প্ৰতিৰোধ সংস্থাই (কেডিচিএ) নিশ্চিত কৰিছে যে থাইলেণ্ডৰ পৰা উভতি অহাৰ পিছত মৃত্যু হোৱা এজন কোৰিয়ান নাগৰিক নেগলাৰিয়া ফাউলাৰিৰ দ্বাৰা সংক্ৰমিত হৈ মৃত্যু ঘটিছে।
৫০ বছৰ বয়সৰ লোকজন দক্ষিণ-পূব এছিয়াৰ দেশখনত চাৰি মাহ থকাৰ পিছত ১০ ডিচেম্বৰত কোৰিয়ালৈ উভতি আহিছিল আৰু পিছদিনা তেওঁক চিকিৎসালয়ত ভৰ্তি কৰোৱা হৈছিল। কিন্তু তেওঁৰ মৃত্যু হয়। উল্লেখ্য ২০২০ চনত আমেৰিকাত এই ভাইৰাছে ত্ৰাসৰ সৃষ্টি কৰিছিল।
আচলতে ই এবিধ নতুন বেক্টেৰিয়া আৰু মানুহৰ মগজুক আক্ৰমণ কৰি ধ্বংস কৰে। পানীৰ জৰিয়তে বিয়পি পৰা এই বেক্টেৰিয়া বিধৰ আক্ৰমণৰ লক্ষ্য হৈছে মানুহৰ মগজু।এই বেক্টেৰিয়াই মগজুত আক্ৰমণ চলায় আৰু মগজুৰ কোষসমূহ কুটি কুটি খাবলৈ আৰম্ভ কৰে।২০২০ চনত আমেৰিকাৰ টেক্সাছৰ লেক জেকচন অঞ্চলৰ পানীৰ টেপ সমূহত বিয়পি পৰিছিল নেগলাৰিয়া ফাউলাৰি নামৰ মাৰাত্মক বেক্টেৰিয়া বিধ।
Continue Reading
