কথা চহকী জনপ্ৰিয় ইউটিউবাৰ ‘খান ছাৰ’ পৰিল বিহাৰৰ আৰক্ষীৰ জালত; কিয়

ডিজিটেল ডেস্কঃ ৰে’লৱে নিযুক্তিৰ দুৰ্নীতিক লৈ ২৬ জানুৱাৰীত বিহাৰৰ হিংসাত্মক কাৰ্যই দেশজুৰি কপাই তুলিছিল। পৰীক্ষাত অৱতীৰ্ণ শিক্ষাৰ্থীসকলে এখন যাত্ৰীবাহী ৰে’লত জুই লগাইছিল বুলি অভিযোগ উত্থাপন হৈছে আৰু এই আক্ৰমণৰ ফলত যাত্ৰীবাহী ৰে’লখনৰ বহুতো দবা ভাঙি চুৰমাৰ হৈ পৰিছিল। কিন্তু এই হিংসাত্মক কাৰ্যৰ আৰত এজন জনপ্ৰিয় ইউটিউবাৰ ৰ নাম সাঙুৰ খাইছে৷ তেওঁ হৈছে খান ছাৰ৷ খান ছাৰৰ বিৰুদ্ধে পাটনাৰ ৰে’লৰ হিংসাত সহায় কৰাৰ অভিযোগ উত্থাপিত হৈছে। আৰক্ষীয়ে আটকাধীন পৰীক্ষাৰ্থীসকলৰ ভাষ্যৰ ওপৰত ভিত্তি কৰি 'খান ছাৰ'ৰ বিৰুদ্ধে এখন এজাহাৰ পঞ্জীয়ন কৰিছে। ইতিমধ্যে এই ঘটনা সন্দৰ্ভত খানে সংবাদ মাধ্যমৰ আগত নিজৰ প্ৰতিক্ৰিয়া ব্যক্ত কৰিছে৷ এক সাক্ষাৎকাৰত খান ছাৰে কৈছিল যে যদি বিহাৰৰ হিংসাৰ আঁৰত তেওঁৰ কোনো ভূমিকা থাকে, তেন্তে তেওঁক আৰক্ষীয়ে গ্ৰেপ্তাৰ কৰক। অৱশ্যে, জনপ্ৰিয় ইউটিউবাৰজনে এই হিংসাৰ বাবে উলটাই ৰে'লৱে নিযুক্তি ব'ৰ্ডকহে (আৰআৰবি) দোষাৰোপ কৰে। ১৫ জানুৱাৰীত, ৰে'লৱে নিযুক্তি বোৰ্ডে অ-কাৰিকৰী জনপ্ৰিয় শ্ৰেণী (এনটিপিচি) পৰীক্ষা বা চিবিটি-১ (কম্পিউটাৰ আধাৰিত পৰীক্ষা)ৰ প্ৰথম পৰ্যায়ৰ ফলাফল প্ৰকাশ কৰিছিল। চিবিটি-২ পৰীক্ষা ১৫ ফেব্ৰুৱাৰীত আৰম্ভ হ'ব। ইয়াৰ পাছতে প্ৰতিবাদ আৰম্ভ হৈছিল হৈছিল বিহাৰত। প্ৰাৰ্থীসকলে অভিযোগ উত্থাপন কৰিছিল যে যেতিয়া পৰীক্ষাৰ বাবে জাননী ২০১৯ চনত প্ৰকাশ কৰা হৈছিল, কেৱল চিবিটি-১ উল্লেখ কৰা হৈছিল। কিন্তু ফলাফলৰ পিছত, ৰে'লৱেই চিবিটি-২ ঘোষণা কৰে। যিটো নিয়মবিৰোধী। ইয়াৰ আঁৰত ৰে'ল বিষয়াসকলৰ দুৰ্নীতি আৰু অনিয়ম আছে - প্ৰাৰ্থীসকলে এই অভিযোগ উত্থাপন কৰি ৰাজপথত আন্দোলন কৰিবলৈ ওলাই আহিছিল। এই প্ৰতিবাদ বিহাৰ হৈ উত্তৰ প্ৰদেশৰ বিভিন্ন ঠাইলৈ বিয়পি পৰিছিল। উত্তৰ প্ৰদেশৰ গোৰখপুৰৰ বাসিন্দা খান ছাৰ তেওঁৰ শিক্ষাদানৰ অদ্ভুত কৌশলৰ বাবে জনাজাত আৰু বহুত জনপ্ৰিয়। শিক্ষাৰ্থীসকলৰ ভিতৰত, তেওঁক 'খান ছাৰ' বুলি পৰিচিত৷ অৱশ্যে তেওঁ কেতিয়াও সামাজিক মাধ্যমত নিজৰ নাম ৰাজহুৱা কৰা নাই৷ শিক্ষাৰ্থীসকলে আনকি তেওঁৰ প্ৰকৃত নাম নাজানে। অৱশ্যে কোনোৱে খান ছাৰৰ প্ৰকৃত নাম অমিত সিং বুলি দাবী কৰাৰ বিপৰীতে আন কোনোৱে খান ছাৰক ফৈজাল খান বুলি দাবী কৰে৷ তেওঁৰ প্ৰকৃত নাম কিয় প্ৰকাশ নকৰে? এই সন্দৰ্ভত, এজন ব্যক্তিয়ে দাবী কৰিছিল যে খান ছাৰৰ দ্বাৰা পৰিচালিত প্ৰশিক্ষণ কেন্দ্ৰৰ সকলো শিক্ষাৰ্থীক তেওঁৰ প্ৰকৃত নাম বা ব্যক্তিগত নম্বৰ ভাগ-বতৰা নকৰিবলৈ কঠোৰ নিৰ্দেশ দিয়া হৈছে। কেইজনমান শিক্ষাৰ্থীয়ে তেওঁক খান ছাৰ বুলি মতাৰ পাছতে তেওঁ সকলোৰে মাজত 'খান ছাৰ' হিচাপে পৰিচিত হৈ পৰিছিল৷ তেওঁ পাটনাত 'খান জিএছ গৱেষণা কেন্দ্ৰ' নামৰ এটা শিক্ষা প্ৰতিষ্ঠান চলায় আৰু সেই ভিড্অ’বোৰ তেওঁৰ ইউটিউব চেনেলত শ্বেয়াৰ কৰে। খান চাৰ কেৱল পাটনাতে নহয়, সমগ্ৰ দেশতে তেওঁৰ অদ্ভুত শিক্ষা দানৰ কৌশলৰ বাবে বিখ্যাত।