এতিয়াৰ পৰা সুৰা উপলদ্ধ হ’ব এইখন দেশৰে ছুপাৰ মাৰ্কেটত, ক’ত

ডিজিটেল ডেস্কঃ মহাৰাষ্ট্ৰৰ মুখ্যমন্ত্ৰী উদ্ধৱ ঠাকৰেৰ কেবিনেটে চুপাৰমাৰ্কেটৰ দোকানসমূহত বিলাসী সুৰা বিক্ৰী কৰিবলৈ অনুমতি দিছে৷ ৰাজ্যিক মন্ত্ৰী নৱাব মালিকে সংবাদ মাধ্যমৰ আগত ক’য় যে ১,০০০ বৰ্গফুট বা ততোধিক এলেকা থকা চুপাৰমাৰ্কেট আৰু দোকানসমূহত বৈধভাৱে ৱাইন বিক্ৰী কৰিবলৈ অনুমতি দিয়া হৈছে৷ ৰাজ্যিক মন্ত্ৰীগৰাকীৰ মতে, এই পদক্ষেপে মহাৰাষ্ট্ৰৰ সুৰা উৎপাদকসকলৰ লগতে কৃষকসকলক লাভান্বিত কৰিব। চৰকাৰৰ এই পদক্ষেপৰ লক্ষ্য হৈছে পৰা ৰাজহ বৃদ্ধি কৰা আৰু ইয়াৰ দ্বাৰা যাতে ৰাজ্যৰ অৰ্থনৈতিক ভাণ্ডাৰত কোটি কোটি টকাৰ ৰাজহ যোগ কৰা৷ চৰকাৰৰ এই সিদ্ধান্তৰ পাছত, অতি সোনকালে চুপাৰমাৰ্কেট, সাধাৰণ দোকানত সুৰা উপলব্ধ হ'ব যিবিলাক চুপাৰ মাৰ্কেটে চৰকাৰে নিদ্ধাৰণ কৰি নিম্নতম এলেকাৰ চৰ্ত পূৰণ কৰে।   এক তথ্য অনুসৰি দেশৰ সুৰা উদ্যোগৰ ৬৫ শতাংশ গোট মহাৰাষ্ট্ৰত অৱস্থিত, যাৰ বেছিভাগ নাচিক, চাংলি, পুনে, চোলাপুৰ, বুলধানা আৰু আহমেদনগৰত অৱস্থিত। শিৱসেনা চৰকাৰৰ এই পদক্ষেপৰ পাছত বিৰোধী বিজেপিয়ে এই কাৰ্যৰ বিৰোধিতা কৰিছে আৰু ইয়াৰ বিৰুদ্ধে বিজেপিয়ে ৰাজপথত নামি প্ৰতিবাদ কৰাৰ সম্ভাৱনা আছে। মহাৰাষ্ট্ৰৰ বৰ্তমান মিত্ৰজোঁটৰ চৰকাৰ চলি আছে। ইয়াৰ অংশীদাৰ দল হৈছে শিৱসেনা, জাতীয়তাবাদী কংগ্ৰেছ দল আৰু কংগ্ৰেছ।