ডিজিটেল ডেস্কঃ সমগ্ৰ দেশতে এতিয়া বান্দৰে খেতি পথাৰৰ বিস্তৰ ক্ষতিসাধন কৰি আহিছে। উত্তৰ প্ৰদেশতো তাৰ ব্যতিক্ৰম ঘটা নাই। ৰাজ্য খনৰ কুঁহিয়াৰ পথাৰ বোৰত এতিয়া বান্দৰে তাণ্ডৱ চলাইছে। বান্দৰৰ পৰা শস্য ৰক্ষা কৰিবলৈ এতিয়া উত্তৰ প্ৰদেশৰ লখিমপুৰ খেৰীত কুঁহিয়াৰ খেতিয়কসকলেও এটা উপায় বিচাৰি উলিয়াইছে।
লখিমপুৰ খেৰীৰ জাহাননগৰৰ কুঁহিয়াৰ খেতিয়কসকল বান্দৰৰ উৎপাত বন্ধ কৰিবলৈ পথাৰত মেলি দিছে ভালুক। অৱশ্যে এই ভালুক সঁচা ভালুক নহয়। । ভালুকৰ পোছাক পিন্ধা কৃষকে কুঁহিয়াৰ পথাৰৰ মাজত বহি থাকে। বান্দৰে খেতিপথাৰত সঁচাকৈয়ে ভালুক থকা বুলি ভাবি খেতিপথাৰৰ কাষলৈও নহা হৈছে। মানুহে ভালুক সাজি বহি থকা ছবিবোৰ সামাজিক মাধ্যমতো ভাইৰেল হৈ পৰিছে।
এজন স্থানীয় কৃষকে কয় যে প্ৰতিদিনে প্ৰায় ৪০ ৰ পৰা ৪৫ টা বান্দৰে পথাৰত প্ৰৱেশ কৰি ক্ষতিসাধন কৰি আহিছে। প্ৰশাসনক এই বিষয়ে অৱগত কৰা হৈছে যদিও খেতিয়কে কোনো সহায় পোৱা নাই। অৱশেষত কৃ।কসকলে শস্য ৰক্ষা কৰিবলৈ কেইজনমানে মিলি কৃষকে ৪,০০০ টকাৰে ভালুকৰ সাজ ক্ৰয় কৰিছে। লখিমপুৰ খেৰীৰ বিভাগীয় বন বিষয়া সঞ্জয় বিশ্বাসে কয়, "কৃষকসকলক আশ্বাস দিয়া হৈছে যে প্ৰশাসনে বান্দৰৰ আক্ৰমণৰ পৰা তেওঁলোকৰ শস্য ৰক্ষা কৰিবলৈ সকলো ধৰণৰ সহায় আগবঢ়াব। "
Continue Reading
