ডিজিটেল ডেস্কঃ শীতকাল চলি থকা হেতুকে দেশৰ ভিন্ন প্ৰান্তত কুঁৱলীৰ প্ৰভাৱ বৃদ্ধি পাইছে।
শীতকালত বিভিন্ন ৰাজ্যত কুঁৱলীৰ প্ৰাধান্য বৃদ্ধি পাইছে। কুঁৱলীৰ ফলত যাতায়তৰ ক্ষেত্ৰত সমস্যাৰ সৃষ্টি হৈছে।
এইবাৰ কুঁৱলীৰ বাবেই ভয়ংকৰ দুৰ্ঘটনাত পতিত হৈ দিল্লী আৰক্ষীৰ দুগৰাকী আৰক্ষী পৰিদৰ্শকে মৃত্যুক সাবটি ললে।
এই ভয়ংকৰ দুৰ্ঘটনা সংঘটিত হৈছে হাৰিয়ানাৰ সোণেপাট জিলাত। সোণিপাট জিলাৰ কুণ্ডলী সীমান্তৰ সমীপত ট্ৰাকৰ সৈতে গাড়ীৰ সংঘৰ্ষ হয়।
সোমবাৰে নিশা প্ৰায় ১১:৩০ মানত সংঘটিত হয় এই দুৰ্ঘটনা। থিতাতে নিহত হোৱা পৰিদৰ্শক দুজনৰ নাম দীনেশ বেনিৱাল আৰু ৰণবীৰ চাহাল বুলি জানিব পৰা গৈছে।
আৰক্ষীৰ সূত্ৰ অনুসৰি দুয়োৰে মৃতদেহ মৰণোত্তৰ পৰীক্ষাৰ বাবে প্ৰেৰণ কৰা হৈছে।
Continue Reading
