ডিজিটেল ডেস্ক : এক ঐতিহাসিক কীৰ্তিচিহ্নৰ নাম সলনিৰ দাবীক লৈ ব্যাপক চৰ্চা চলিছে দেশত। দেশত বিভিন্ন উদ্ভুট আৰু অপ্ৰয়োজনীয় বিতৰ্কই তোলপাৰ লগাই থকাৰ সময়ত এইবাৰ ইউনেস্কোৰ বিশ্ব ঐতিহ্য ক্ষেত্ৰ এখনৰ নাম সলনিৰ দাবী কৰা হৈছে। মঙলবাৰে কুটুব মিনাৰৰ নাম সলনিৰ দাবীক লৈ ব্যাপক চৰ্চা চলা দেখিবলৈ পোৱা যায়।
এটা হিন্দু সংগঠনে কুটুব মিনাৰৰ নাম সলনি কৰি ‘বিষ্ণু স্তম্ভ’ কৰাৰ দাবী তুলি দিল্লীৰ ঐতিহ্যক্ষেত্ৰখনৰ সন্মুখত ব্যাপক প্ৰতিবাদ কৰে। মহাকাল মানৱ সেৱা নামৰ এটা হিন্দু সংগঠনে কুটুব মিনাৰৰ সন্মুখত মঙলবাৰে ব্যাপক প্ৰতিবাদ কৰা দেখা যায়। আৰক্ষী বাহিনীৰ ব্যাপক সমাৱেশৰ মাজতে সংগঠনটোৰ কৰ্মীসকলে ইউনেস্ক’ই বিশ্ব ঐতিহ্য ক্ষেত্ৰ হিচাপে স্বীকৃতি দিয়া কুটুব মিনাৰৰ নাম সলনিৰ দাবী তোলে।
প্ৰতিবাদকাৰীসকলে কুটুব মিনাৰৰ সন্মুখত হনুমান চালিছাও পাঠ কৰে। ইফালে, দিল্লী বিজেপিয়েও বিভিন্ন মোগল শাসকৰ নামত থকা দিল্লীৰ বহু স্থানৰ নাম সলনি কৰাৰ দাবী কৰি আহিছে। আকবৰ ৰ’ড, হুমায়ুন ৰ’ড, ঔৰংজেব লেন আৰু টুঘলক লেন আদিৰ নাম সলনিৰ দাবী কৰিছে দিল্লী বিজেপিৰ নেতাসকলে। উত্তৰ দিল্লী মিউনিচিপাল কৰ্প’ৰেচনৰ অধ্যক্ষলৈ দিল্লী বিজেপিৰ সভাপতি আদেশ গুপ্তই লিখা এখন পত্ৰত এই পথবোৰৰ নাম মহাৰাণা প্ৰতাপ, গুৰু গোবিন্দ সিং, মহৰ্ষী বাল্মীকী আৰু জেনেৰেল বিপিন ৰাৱট দিয়াৰ পৰামৰ্শ দিছে।
Continue Reading
