ক'ভিডৰ নৱম ভেকচিন ব্যৱহাৰত অনুমতি প্ৰদান

ডিজিটেল ডেস্ক : দেশৰ স্বাস্থ্য খণ্ডৰ বাবে ভাল খবৰ। ঔষধ নিয়ন্ত্ৰক ডিচিজিআইয়ে (ভাৰতীয় ড্ৰাগছ নিয়ন্ত্ৰক জেনেৰেল) ভাৰতত একক পালিৰ স্পুটনিক লাইট ক'ভিড-১৯ ভেকছিনৰ জৰুৰীকালীন ব্যৱহাৰৰ অনুমতি প্ৰদান কৰিছে৷ কেন্দ্ৰীয় স্বাস্থ্যমন্ত্ৰী ড০ মনসুখ মাণ্ডৱিয়াই দেওবাৰে এই কথা জানিবলৈ দিয়ে। তেওঁ কয় যে একক পালিৰ ভেকছিনৰ জৰুৰীকালীন ব্যৱহাৰৰ অনুমোদনে ক'ভিড-১৯ৰ বিৰুদ্ধে ভাৰতৰ যুঁজত উৎসাহ যোগাব। তেওঁ টুইটযোগে কয়, 'এইটো দেশৰ নৱম #COVID19 ভেকছিন। ই মহামাৰীৰ বিৰুদ্ধে দেশৰ সামূহিক যুঁজক অধিক শক্তিশালী কৰিব।' https://twitter.com/mansukhmandviya/status/1490339254450282497?s=20&t=FsrN-QhB_W86JR9ClDvLtg ভাৰতৰ কেন্দ্ৰীয় ঔষধ কৰ্তৃপক্ষৰ এক বিশেষজ্ঞ পেনেলে এই সপ্তাহত একক পালিৰ ক'ভিড-১৯ ভেকছিন স্পুটনিক লাইটক সীমিত জৰুৰীকালীন ব্যৱহাৰ অনুমোদন (ই.ইউ.এ.) প্ৰদান কৰাৰ পৰামৰ্শ দিছিল। লক্ষণীয়ভাৱে, যোৱা বছৰৰ ১ জুলাইত, ভাৰতৰ ঔষধ নিয়ন্ত্ৰকে স্পুটনিক লাইটক ইউইউএ প্ৰদান কৰিবলৈ অস্বীকাৰ কৰিছিল। ৰাছিয়াৰ স্বাস্থ্যবিভাগে যোৱা বৰ্ষৰ মে' মাহত কৰোনা ভাইৰাছ ভেকছিনৰ শ্বট স্পুটনিক লাইট সংস্কৰণটো ব্যৱহাৰৰ বাবে কৰ্তৃত্ব প্ৰদান কৰিছিল।