ডিজিটেল ডেস্কঃ কপালত ফোঁট লোৱাক লৈ তোলপাৰ বাংলাদেশ। অভিযুক্ত আৰক্ষী কৰ্মীৰ আচৰণক তীব্ৰ গৰিহণা দিয়া হৈছে সৰ্বত্ৰে। সন্ধান অব্যাহত আছে অভিযুক্তৰ। ইয়াৰ মাজতে, ছ’চিয়েল মিডিয়াত সৰব তছলিমা নাছৰিন।
দেওবাৰে, তছলিমা নাছৰিনে শাড়ী আৰু ফোঁট পিন্ধা কেইবাখনো ফটো ছ’চিয়েল মিডিয়াত পোষ্ট কৰিছিল। তেওঁ এই পোষ্টটোৰ জৰিয়তেই সমাজৰ এটা অংশক তীক্ষ্ণ ভাষাৰে আক্ৰমণ কৰে। বিশিষ্ট লেখিকাগৰাকীয়ে লিখিছে, ‘ফোঁট ফোঁট ফোঁট। ছোৱালীবোৰে নিজকে কেনেধৰণে সজাই তুলিব পাৰে? বেচেৰা ল’ৰাবোৰৰ পোছাক পিন্ধিবলৈ বেছি নাই। বিভিন্ন ধৰণৰ অলংকাৰ, শাড়ী, মিনিস্কাৰ্ট, হাইহীল, আনকি ফোঁট এটাও ল’ব নোৱাৰে। মুছলমান পুৰুষসকলেতো কল্পনাৰ দেৱতাৰ বাবে কল্পনাৰ স্বৰ্গৰ লোভত মূৰত আঘাত কৰি তেওঁলোকৰ কপালত এটা ক’লা চিহ্ন প্ৰস্তুত কৰি লৈছে। এয়াই তেওঁলোকৰ ক’লা ফোঁট।’
মন কৰিব লগীয়া যে, বাংলাদেশৰ এগৰাকী শিক্ষয়িত্ৰীয়ে কপালত ফোঁট লৈছিল। ফোঁট পিন্ধাৰ অপৰাধতে এগৰাকী আৰক্ষীয়ে মটৰ চাইকেলত পিষ্ট কৰাৰ অভিযোগ উত্থাপিত হৈছিল। বাংলাদেশৰ ৰাজধানী ঢাকাৰ ফাৰ্মগেটৰ চেজান পইণ্ট ভৱনৰ সন্মুখত সংঘটিত হৈছিল। তাকে লৈ এতিয়া তোলপাৰ বাংলাদেশ।
Continue Reading
