ডিজিটেল ডেস্কঃ লাডাখত এক শোকাৱহ দুৰ্ঘটনা সংঘটিত হৈছে । এই দুৰ্ঘটনাত ৯ জন ভাৰতীয় সেনা জোৱান নিহত হৈছে । দুৰ্ঘটনাটোত আন এজন লোক গুৰুতৰভাবে আঘাতপ্ৰাপ্ত হৈছে। তেওঁক সেনা চিকিৎসালয়ত ভৰ্তি কৰোৱা হৈছে।
প্ৰাৰম্ভিক বাতৰি অনুসৰি সেনাৰ এখন ট্ৰাকে নিয়ন্ত্ৰণ হেৰুৱাই এটা পাহাৰীয়া ৰাস্তাৰ পৰা গভীৰ খাদত পিছলি পৰে। ট্ৰাকখনত এজন বিষয়াসহ মুঠ ১০ জন সেনা আছিল। বিষয়াজনসহ নজন জোৱান ঘটনাস্থলীতে নিহত হয়।
সেনাৰ সূত্ৰই প্ৰকাশ কৰা মতে দুৰ্ঘটনাটো লেহৰ পৰা ১৫০ কিলোমিটাৰ দূৰৰ কিয়াৰী নামৰ ঠাই খনত সংঘটিত হৈছে। । শনিবাৰে সন্ধিয়া ৫.৪৫ বজাৰ পৰা সন্ধিয়া ৬ বজাৰ ভিতৰত দুৰ্ঘটনাটো সংঘটিত হোৱা বুলি জানিব পৰা গৈছে । দুৰ্ঘটনাগ্ৰস্ত হোৱা ট্ৰাকখন সেনাৰ কনভয়ৰ অংশ আছিল। দুৰ্ঘটনাটোৰ প্ৰকৃত কাৰণ এতিয়াও জানিব পৰা হোৱা নাই।
দুৰ্ঘটনাৰ খবৰ পোৱাৰ পিছতে সেনাৰ বিষয়াসকল ঘটনাস্থলীত উপস্থিত হৈছে । দুৰ্ঘটনাটোত নিহতসকলৰ নাম এতিয়াও জানিব পৰা হোৱা নাই।
Continue Reading
