লাইচেঞ্চ থাকক বা নাথাকক, হিন্দুৱে বন্দুক লগত ৰাখক! দিল্লীত বিশ্ব হিন্দু পৰিষদৰ ৰেলীত হিংসাত্মক হুংকাৰ

ডিজিটেল ডেস্কঃ “যিসকলে আক্ৰমণ কৰিছে, তেওঁলোকৰ হাত কাটি শিৰচ্ছেদ কৰি দিয়ক!”- এইধৰণৰ ঘৃণনীয় হিংসাত্মক হুংকাৰ শুনা গ’ল দিল্লীৰ এটা বিশ্ব হিন্দু পৰিষদৰ ৰেলীত।

ৰেলীটোত অংশ লৈ জগত গুৰু যোগেশ্বৰ আচাৰ্য নামৰ এগৰাকী বক্তাই কয় যে যদি প্ৰয়োজন হয়, আক্ৰমণকাৰীসকলক শিৰচ্ছেদ কৰি পোলাব লাগে।

আচাৰ্যই কয় যে এই কাম কৰিলে খুব বেছি কাৰাগাৰলৈ যাব লাগিব, তাৰ বাদে বেছি সমস্যা নাই। কিন্তু আক্ৰমণকাৰীসকলক এটা শিক্ষা দিয়াটো অতি জৰুৰী।

ৰেলীটোত আন এজন বৰ্তা মহন্ত নৱল কিশোৰ দাসেও একেধৰণৰ হিংসাত্মক হুংকাৰ প্ৰদান কৰে। তেওঁ জনতাক বন্দুক ক্ৰয় কৰিবলৈ গোহাৰি জনায়। কয় যে লাইচেন্স থাকক বা নাথাকক, কিন্তু সকলোৱে যাতে এটা বন্দুক লগত ৰাখে।

“বন্দুক গোটোৱা। লাইচেঞ্চ লোৱা। যদি লাইচেঞ্চ নাই, তথাপিতো চিন্তা নকৰিবা। যিসকলে আপোনাক মাৰিবলৈ আহে, তেওঁলোকৰ লাইচেঞ্চ আছেনে? তেন্তে আপোনাক লাইচেঞ্চৰ কি প্ৰয়োজন?”- তেওঁ কয়।

দিল্লী আৰক্ষী সম্পৰ্কতো তেওঁ বক্তব্য ৰাখে। কয় যে যদি আক্ৰমণকাৰীসকলৰ বিৰুদ্ধএ হিন্দু লোকসকল একেলগ হয়, তেন্তে দিল্লী আৰক্ষী কমিছনাৰেও সহায় কৰিব।

আনহাতে, বক্তাসকলৰ এই হিংসাত্মক বাৰ্তাক সুৰক্ষা দি বিশ্ব হিন্দু পৰিষদৰ মুখপাত্ৰ বিনোদ বানচালে কয় যে এই ৰেলীটো এটা জন আক্ৰোশ ৰেলী আৰু ইয়াৰ দ্বাৰা জিহাদীসকলকহে সাৱধানবাণী শুনোৱা হৈছে। কোনো সম্প্ৰদায়ক লক্ষ্য কৰি লোৱা হোৱা নাই।