লালু প্ৰসাদ যাদৱৰ বিৰুদ্ধে চিবিআইৰ নতুন গোচৰ: ১৬ স্থানত তালাচী

ডিজিটেল ডেস্ক: চিবিআইয়ে আৰজেডিৰ মুৰব্বী লালু প্ৰসাদ যাদৱৰ বিৰুদ্ধে এটা নতুন গোচৰ ৰুজু কৰিছে আৰু আজি পুৱাৰে পৰা তেওঁৰ বাসভৱনকে ধৰি বিহাৰৰ আন ১৫টা স্থানত আৰম্ভ কৰিছে তালাচী অভিযান৷ এই নতুন গোচৰটো লালু প্ৰসাদ যাদৱ বিহাৰৰ মুখ্যমন্ত্ৰী হৈ থকাৰ সময়ত নিযুক্তিৰ দুৰ্নীতিৰ সৈতে সম্পৰ্কিত বুলি তদন্তকাৰী বিষয়াসকলে সদৰী কৰিছে৷ 

চিবিআই-এ বিহাৰৰ প্ৰাক্তন মুখ্যমন্ত্ৰী লালুপ্ৰসাদ যাদৱ আৰু তেওঁৰ জীয়ৰী উভয়ৰে বিৰুদ্ধে তেওঁলোকৰ কাৰ্যকালত নিযুক্তিত সংঘটিত অনিয়মৰ অভিযোগত এটা নতুন গোচৰ ৰুজু কৰিছে। ৰুজু কৰিছে নতুন গোচৰ৷

পশুখাদ্য কেলেংকাৰীৰ গোচৰত জামিনত কাৰামুক্ত হৈছিল বিহাৰৰ প্ৰাক্তন মুখ্যমন্ত্ৰীগৰাকী৷ দৰাচলতে, চিবিআইয়ে লালু আৰু তেওঁৰ জীয়েকৰ বিৰুদ্ধে তেওঁলোকৰ কাৰ্যকালত নিযুক্তিত দুৰ্নীতিৰ অভিযোগত ৰুজু কৰা নতুন গোচৰটোৰ ভিত্তিত চিবিআইৰ দলটোৱে পাটনাত লালুৰ ১৫ টা স্থানত অভিযান চলাইছে৷

উল্লেখযোগ্য যে, লালু প্ৰসাদ যাদৱে এপ্ৰিলত আদালতৰ পৰা জামিন লাভ কৰিছিল। পশুখাদ্য কেলেংকাৰীৰ গোচৰত এপ্ৰিলৰ ২২ তাৰিখে ঝাৰখণ্ড উচ্চ ন্যায়ালয়ে লালু প্ৰসাদ যাদৱক জামিন প্ৰদান কৰিছিল৷