‘ডেনিয়েল’ নামৰ বিধ্বংসী ধুমুহাৰ পাছত সংঘটিত হোৱা বানপানীয়ে উত্তৰ আফ্ৰিকাৰ দেশ লিবিয়াত বিধ্বংসী ৰূপ ধাৰণ কৰিছে। এই পৰ্যন্ত বানপানীৰ ফলত ৫৩০০ৰো অধিক লোকৰ মৃত্যু হোৱাৰ বিপৰীতে দহ হাজাৰৰো অধিক লোক এতিয়াও সন্ধানহীন হৈ আছে। এনে পৰিস্থিতিত মৃত্যুৰ সংখ্যা এতি

Listen to Article

2 min read

80%

ডিজিটেল ডেস্কঃ ‘ডেনিয়েল’ নামৰ বিধ্বংসী ধুমুহাৰ পাছত সংঘটিত হোৱা বানপানীয়ে উত্তৰ আফ্ৰিকাৰ দেশ লিবিয়াত বিধ্বংসী ৰূপ ধাৰণ কৰিছে। এই পৰ্যন্ত বানপানীৰ ফলত ৫৩০০ৰো অধিক লোকৰ মৃত্যু হোৱাৰ বিপৰীতে দহ হাজাৰৰো অধিক লোক এতিয়াও সন্ধানহীন হৈ আছে। এনে পৰিস্থিতিত মৃত্যুৰ সংখ্যা এতিয়াও বৃদ্ধি পাব পাৰে। আল জাজিৰাৰ প্ৰতিবেদন অনুসৰি লিবিয়াৰ পূব অঞ্চলত বানপানীৰ বিধ্বংসী ৰূপ দেখা গৈছে, য’ত ডেৰ্না চহৰ সম্পূৰ্ণৰূপে ধ্বংস হৈছে।গৃহ মন্ত্ৰালয়ৰ মুখপাত্ৰ মহম্মদ আবু-লামোছাৰ মতে, ডেৰ্নাত মৃত্যু হোৱা লোকৰ সংখ্যা ৫৩০০ অতিক্ৰম কৰিছে।

চিএনএনৰ প্ৰতিবেদন অনুসৰি ইতিমধ্যে বানপীড়িত অঞ্চলত দুটা বান্ধ ভাঙি যোৱাৰ ফলত বানপানীৰ সৃষ্টি হয়, য’ত হাজাৰ হাজাৰ লোকক উটুৱাই লৈ যায়। যাৰ অধিকাংশই এতিয়াও সন্ধানহীন হৈ আছে। কোৱা হৈছে যে ডেৰ্না চহৰৰ এক চতুৰ্থাংশ অংশ ইতিমধ্যে ধ্বংস হৈছে। ইণ্টাৰনেশ্যনেল ফেডাৰেচন অৱ ৰেড ক্ৰছ এণ্ড টেড ক্ৰেচেণ্ট ছ’চাইটিৰ লিবিয়াৰ দূত টামেৰ ৰমডানে কয় যে বানপানীৰ বাবে চিকিৎসালয়সমূহ মৃতদেহেৰে ভৰি পৰাৰ পাছৰ সময়চোৱাত ১০ হাজাৰৰো অধিক লোক নিৰুদ্দেশ হৈছে।