ডিজিটেল ডেস্কঃ এগৰাকী প্ৰাক্তন মুখ্যমন্ত্ৰীৰ কন্যাই এতিয়া লিংগ পৰিৱৰ্তন কৰি ছোৱালীৰ পৰা ল’ৰা হোৱাৰ মন মেলিছে। পশ্চিমবংগৰ প্ৰাক্তন মুখ্যমন্ত্ৰী বুদ্ধদেৱ ভট্টাচাৰ্যৰ কন্যা সুচেতনা ভট্টাচাৰ্যই ছোৱালীৰ পৰা ল’ৰা হৈ 'সুচেতন' হিচাপে পৰিচিত হ'ব বিচাৰিছে।
ইয়াৰ বাবে তেওঁ নিজৰ লিংগ সলনি কৰিব বিচাৰিছে। কলকাতাৰ প্ৰেচিডেন্সি কলেজৰ প্ৰাক্তন ছাত্ৰী সুচেতনাই লিংগ পৰিৱৰ্তনৰ বাবে আইনী পৰামৰ্শ বিচৰা আৰম্ভ কৰিছে আৰু প্ৰমাণপত্ৰৰ বাবে এজন মনোবিজ্ঞানীৰ সৈতেও যোগাযোগ কৰিছে বুলি জানিব পৰা গৈছে।
৪১ বছৰীয়া সুচেতনাই কৈছে যে তেওঁৰ সিদ্ধান্তত তেওঁৰ পিতৃ বুদ্ধদেৱ ভট্টাচাৰ্যৰ সম্পূৰ্ণ সমৰ্থন আছে। এই ক্ষেত্ৰত তেওঁৰ পাৰিবাৰিক পৰিচয় কোনো ডাঙৰ কথা নহয় বুলিও সুচেতনাই কয়। তেওঁ এয়া এলজিবিটিকিউ+ আন্দোলনৰ অংশ হিচাপে অভিহিত কৰে।
সুচেতনাই কয় যে এগৰাকী ট্ৰেন্সমেন হিচাপে তেওঁ প্ৰতিদিনে সন্মুখীন হোৱা সামাজিক উৎপীড়ণৰ পৰা দূৰত থাকিব বিচাৰে। সুচেতনাই কয় যে তেওঁ এগৰাকী প্ৰাপ্তবয়স্ক লোক। তেওঁ তেওঁৰ মাক- দেউতাকক এই সিদ্ধান্তৰ বিষয়ে কৈছে। প্ৰেচিডেন্সিৰ প্ৰাক্তন ছাত্ৰী তথা এছএফআইৰ সংগঠক সুচেতনাই কয় যে তেওঁ মনতে নিজকে পুৰুষ বুলিয়েই ভাবে, এতিয়া তেওঁ শাৰীৰিকভাৱেও এজন পুৰুষ হ'ব বিচাৰে।
Continue Reading
