ডিজিটেল ডেস্কঃ কোৰিয়াৰ ডেলিভাৰী ভানৰ পৰা ৩৩.৪৫ লাখ টকাৰ সোণৰ সামগ্ৰী লুটি নিয়াৰ অভিযোগত মুম্বাই আৰক্ষীয়ে তিনিজন লোকক গ্ৰেপ্তাৰ কৰে। পুনে আৰু কলহাপুৰত সামগ্ৰীসমূহ ডেলিভাৰী কৰিবলৈ গৈ আছিল উক্ত ভানখন।
মঙলবাৰে (২৭ জুন) মুম্বাইৰ কালবাদেৱীৰ অনন্তৱাড়ীৰ সমীপত সংঘটিত হয় এই ডকাইতি।অভিযোগ অনুসৰি কোৰিয়াৰ কোম্পানীৰ ব্যক্তিজনৰ ভানখন তিনিজন লোকে বন্দুক দেখুৱাই ২৫ হাজাৰ টকা দাবী কৰিছিল। অভিযোগ অনুসৰি, ব্যক্তিজনে এই কথা নাকচ কৰাৰ পাছত এজনে ভানৰ দুৱাৰখন খুলি এটা বস্তা (সোণৰ গহনা ভৰ্তি ১২টা বাকচ থকা) ধৰি লৈ পলায়ন কৰে।
ইতিমধ্যে অভিযোগ অনুসৰি লোকমান্য তিলক মাৰ্গ থানাত প্ৰথম তথ্য প্ৰতিবেদন (এফআইআৰ) পঞ্জীয়ন কৰা হয়। তদন্ত আৰম্ভ কৰি অভিযুক্ত তিনিওজনকে গ্ৰেপ্তাৰ কৰা হয়।
Continue Reading
