ডিজিটেল ডেস্কঃ এগৰাকী যুৱতীয়ে লিভ-ইন ৰিলেচনত থকাৰ পিছত এজন যুৱকক বিয়া কৰাইছিল। ইয়াৰ পিছত তেওঁ স্বামীক ক’লে যে তেওঁ নিজৰ মাতৃগৃহলৈ যাব। এই সময়ছোৱাত তেওঁ ঘৰৰ পৰা প্ৰায় ৭ লাখ টকাৰ গহনা লৈ গৈছিল, বহুদিনৰ পাছতো যুৱতীগৰাকী ঘৰলৈ উভতি নাহিল। ইয়াৰ পাছত যেতিয়া স্বামীয়ে তেওঁক নিবলৈ শহুৰেকৰ ঘৰলৈ গ’ল, তেতিয়া তেওঁ গম পালে যে তেওঁৰ পত্নীয়ে আন কাৰোবাক বিয়া কৰাইছে। এই তথ্য লাভ কৰাৰ পিছত আৰক্ষীৰ দলটোৱে তদন্ত আৰম্ভ কৰিছে।
ভুক্তভোগী যুৱকজনে জনোৱা মতে, তেওঁ যুৱতীগৰাকীৰ সৈতে লিভ ইন ৰিলেচনত আছিল। প্ৰায় এবছৰৰ পাছত দুয়োৰে বিয়া হ’ল। দুয়োজনে নিজৰ বিবাহিত জীৱনটো সুখেৰে কটাইছিল। যুৱকজনে জনোৱা মতে, ২২ মাৰ্চত তেওঁৰ পত্নীয়ে পৰিয়ালক লগ কৰিবলৈ নিজৰ গাঁৱলৈ গৈছিল। বহুদিন ঘৰলৈ ঘূৰি নহা দেখি পত্নীক যেতিয়া তেওঁ আনিবলৈ যায় তেতিয়া তেওঁ গম পালে যে পত্নীয়ে ৫ মে’ত আন এজন যুৱকক বিয়া কৰাইছে। ভুক্তভোগী যুৱকজনৰ মতে, ইতিমধ্যে যুৱতীগৰাকী তিনিবাৰকৈ বিয়া হৈছে। তেওঁ যুৱতীৰ চতুৰ্থ স্বামীহে।
ইয়াৰ পিছতে ভুক্তভোগী যুৱকজনে বিষয়টোৰ ন্যায় বিচাৰি থানাত উপস্থিত হয়, য’ত তেওঁ পত্নীৰ বিৰুদ্ধে গোচৰ ৰুজু কৰে। আৰক্ষীৰ দলটোৱে তদন্ত আৰম্ভ কৰিছে। এই ঘটনা ৰাজস্থান ছিকাৰৰ।
Continue Reading
