ডিজিটেল ডেস্কঃ আজি অৰ্থাৎ বৃহস্পতিবাৰে মহাৰাষ্ট্ৰৰ থানেৰ মীৰা ভয়াণ্ডাৰ অঞ্চলত লিভ ইন ৰিলেচনশ্বিপত বাস কৰা এগৰাকী মহিলাৰ হত্যাকাণ্ডৰ নতুন তথ্য পোহৰলৈ আহে। এই হত্যাকাণ্ডৰ গোচৰৰ এজাহাৰৰ মতে অভিযুক্ত মনোজ ছানে নিজৰ সংগী সৰস্বতী বৈদ্যক হত্যা কৰা বুলি স্বীকাৰ কৰে।
এফ আই আৰত উল্লেখ আছে যে আৰক্ষীয়ে সোমেশ শ্ৰীবাস্তৱ, গণেশ বালাজী তেলগী আৰু বৈভৱ সুভাষ তেলগী (চুবুৰীয়া)ৰ সহায়ত দুৱাৰৰ তলা ভাঙি ভিতৰলৈ সোমাই যায়। দুৰ্গন্ধৰ বাবেই আৰক্ষীয়ে প্ৰথমে হল, শোৱা কোঠা আৰু শৌচাগাৰকে ধৰি দুয়োখন বিচনাতে তালাচী চলায়। আৰক্ষীয়ে এখন বিচনাত ক’লা প্লাষ্টিক আৰু ইলেক্ট্ৰিক কাটাৰ মেচিন উদ্ধাৰ কৰে, য’ত তেজ লাগি আছিল।
এফ আই আৰত লিখা আছিল যে আটাইতকৈ বেয়া গোন্ধটো পাকঘৰৰ পৰা আহিছিল। তাত উপস্থিত হোৱাৰ পিছত তেওঁ দেখিলে যে তেওঁৰ মূৰৰ পৰা কটা চুলিখিনি মজিয়াত পৰি আছে। কুকাৰটো গেছত ৰাখিছিল। ইয়াত মানুহৰ শৰীৰৰ টুকুৰাবোৰ সিজোৱা হৈছিল। আধা পোৰা হাড় চিঙ্কত পৰি আছিল আৰু শৰীৰৰ অংগ বাল্টিত পৰি আছিল। অভিযুক্ত মনোজ ছানে কয় যে তেওঁ নিজৰ সংগীক হত্যা কৰি মৃতদেহটোৰ অংগ বিচ্ছিন্ন কৰি প্ৰমাণ ধ্বংস কৰিবলৈ চেষ্টা কৰিছিল।
মীৰা-ভয়ান্দৰ আৰক্ষীয়ে জানিবলৈ দিয়া মতে, মৃতদেহ বিশ্লেষণৰ বাবে জে জে হাস্পতাললৈ প্ৰেৰণ কৰা হৈছে। ডাক্তৰে শৰীৰৰ টুকুৰাসমূহৰ পৰীক্ষা কৰিব। ইয়াৰ পাছতহে গম পাব যে শৰীৰৰ কোনটো অংগ নোহোৱা হৈছে। একে সময়তে অভিযুক্ত মনোজ ছানেক আদালতে ১৬ জুনলৈকে আৰক্ষীৰ ৰিমাণ্ডলৈ প্ৰেৰণ কৰিছে।
Continue Reading
