পুনৰ কৰ্মচাৰী বৰ্খাস্ত কৰিব জুকাৰবাৰ্গে৷ বুধবাৰে তেওঁৰ সংস্থা মেটাৰ তৰফৰ পৰা এটা বিবৃতিযোগে এই কথা জনাইছে৷ বিবৃত্তিটোত কোৱা হৈছে যে মেটাই ফেচবুকৰ পৰা এইবাৰ এঘাৰ হেজাৰ কৰ্মীক বৰ্খাস্ত কৰিবলৈ সিদ্ধান্ত লৈছে৷

Listen to Article

2 min read

80%

ডিজিটেল ডেস্কঃ পুনৰ কৰ্মচাৰী বৰ্খাস্ত কৰিব জুকাৰবাৰ্গে৷ বুধবাৰে তেওঁৰ সংস্থা মেটাৰ তৰফৰ পৰা এটা বিবৃতিযোগে এই কথা জনাইছে৷ বিবৃত্তিটোত কোৱা হৈছে যে মেটাই ফেচবুকৰ পৰা এইবাৰ এঘাৰ হেজাৰ কৰ্মীক বৰ্খাস্ত কৰিবলৈ সিদ্ধান্ত লৈছে৷

বিবৃত্তিটোৰ মতে, মুঠ কৰ্মী সংখ্যাৰ কমেও ১৩ শতাংশ হ্ৰাস কৰিবলৈ সিদ্ধান্ত লোৱা হৈছে৷ এই সন্দৰ্ভত বৰ্খাস্ত হ’বলগা সকলো কৰ্মীলৈ মাৰ্ক জুকাৰবাৰ্গে দুখ প্ৰকাশ কৰিছে৷

বুধবাৰে জুকাৰবাৰ্গে কয় যে সকলোৰে বাবে এইটো এটা কঠিন বিষয়৷ সেয়ে সংস্থাৰ সিদ্ধান্তই যিসকলৰ ওপৰত প্ৰভাৱিত কৰিছে, তেওঁলোকৰ বাবে তেওঁ দুখী৷

আনহাতে, মেটাত নতুনকৈ কৰ্মচাৰী নিযুক্তি প্ৰক্ৰিয়া স্থগিত ৰখা হৈছে৷

উল্লেখ্য যে মেটাই ইতিমধ্যে ‘মেটাভাৰ্ছ’ নামৰ এটা ব্যয়বহুল প্ৰকল্প হাতত লৈছে৷ কিন্তু এতিয়ালৈকে সফলতা লাভ কৰা নাই৷ বিস্তৰ আৰ্থিক ক্ষতি হৈছে সংস্থাটোৰ৷ ইয়াৰ পূৰ্বেও সংস্থাটোৱে কৰ্মীৰ বেতন হ্ৰাস আৰু অন্যান্য সা-সুবিধা কমাই আৰ্থিক লোকচানৰ মোকাবিলা কৰিছিল৷