ডিজিটেল ডেস্ক: আজি ৫ ৰাজ্যৰ বিধানসভা নিৰ্বাচনৰ সূচী ঘোষণা কৰিলে ভাৰতৰ নিৰ্বাচন আয়োগে৷ সংবাদমেলযোগে মধ্যপ্ৰদেশ, ৰাজস্থান, ছত্তীশগড়ৰ নিৰ্বাচনৰ দিন ঘোষণা কৰে আয়োগে৷
তেলেংগানা, মিজোৰামৰ নিৰ্বাচনৰো সূচী ঘোষণা কৰে নিৰ্বাচন আয়োগে৷
সংবাদমেলযোগে সূচী ঘোষণা কৰে নিৰ্বাচন আয়োগৰ৷ মধ্য প্ৰদেশত ১৭ নৱেম্বৰত এটা পৰ্যায়ত অনুষ্ঠিত হ’ব ভোটগ্ৰহণ৷
মিজোৰামত ৭ নৱেম্বৰত এটা পৰ্যায়ত অনুষ্ঠিত হ’ব ভোটগ্ৰহণ৷
ৰাজস্থানত ২৩ নৱেম্বৰত, তেলেংগানাত ৩০ নৱেম্বৰত এটা পৰ্যায়ত অনুষ্ঠিত হ’ব ভোটগ্ৰহণ৷
ছত্তীশগড়ত ৭, ১৭ নৱেম্বৰত দুটা পৰ্যায়ত অনুষ্ঠিত হ’ব ভোটগ্ৰহণ প্ৰক্ৰিয়া৷
আনহাতে, ৫ ৰাজ্যৰ ফলাফল ঘোষণা হ’ব ৩ ডিচেম্বৰত৷ উল্লেখযোগ্য যে মধ্যপ্ৰদেশত ২৩০ আসন, ছত্তীশগড়ত ৯০ আসনত, ৰাজস্থানত ২০০, তেলেংগানাত ১১৯ আসনত অনুষ্ঠিত হ’ব নিৰ্বাচন৷
উত্তৰ-পূবত মিজোৰামত ৪০খন আসনত হ’ব নিৰ্বাচন৷ পাঁচ ৰাজ্যৰ মুঠ ৬৭৯ আসনৰ বাবে হ’ব ভোটগ্ৰহণ প্ৰক্ৰিয়া৷ পাঁচোখন ৰাজ্যৰ মুঠ ১৬ কোটি ভোটাৰে সাব্যস্ত কৰিব ভোটাধিকাৰ৷ তাৰে ৮ কোটি পুৰুষ ভোটাৰ, মহিলা ভোটাৰ ৭.৮ কোটি৷ এই নিৰ্বাচনত ৬০ লাখ নতুন ভোটাৰে ভোটদান কৰিব বুলিও ঘোষণা ভাৰতৰ নিৰ্বাচন আয়োগৰ৷
Continue Reading
