ডিজিটেল ডেস্কঃ লোকসভা নিৰ্বাচনৰ পূৰ্বে কংগ্ৰেছৰ সংগঠনত বৃহৎ সালসলনি। কংগ্ৰেছ নেত্ৰী প্ৰিয়ংকা গান্ধীৰ ঠাইত অবিনাশ পাণ্ডেক ইউ পি কংগ্ৰেছৰ দায়িত্বত নিযুক্তি দিয়া হৈছে। এতিয়া প্ৰিয়ংকা গান্ধীৰ হাতত কোনো ৰাজ্যৰ দায়িত্ব নাই। একে সময়তে শচীন পাইলটক ছত্তীশগড়ৰ দায়িত্ব দিয়া হৈছে। কুমাৰী চেলজাৰ ঠাইত পাইলট নিযুক্তি দিয়া হৈছে।
ইয়াৰ উপৰিও ৰমেশ চেনিথাল্লাক মহাৰাষ্ট্ৰৰ দায়িত্বত আৰু মোহন প্ৰকাশক বিহাৰৰ দায়িত্বত নিযুক্তি দিয়া হৈছে। আপাততঃ কংগ্ৰেছৰ সাধাৰণ সম্পাদক হিচাপে থাকিব কে চি ভেনুগোপাল। জ্যেষ্ঠ নেতা মুকুল ৱাছনিকক গুজৰাটৰ প্ৰভাৰী আৰু ৰণদীপ সিং সুৰজেৱালাক কৰ্ণাটকৰ দায়িত্ব দিয়া হৈছে।
একে সময়তে জ্যেষ্ঠ নেতা জয়ৰাম ৰমেশক যোগাযোগৰ দায়িত্বত থকা সাধাৰণ সম্পাদক হিচাপে নিযুক্তি দিয়াৰ বিপৰীতে অজয় মাকেন সৰ্বভাৰতীয় কংগ্ৰেছ কমিটীৰ কোষাধ্যক্ষ হিচাপে থাকিব। দলটোৱে ১২ জন সাধাৰণ সম্পাদকৰ লগতে ১১ জন ৰাজ্যিক প্ৰভাৰী নিযুক্তি দিছে। কংগ্ৰেছৰ সভাপতি মল্লিকাৰ্জুন খৰ্গেক তাৎক্ষণিকভাৱে কাৰ্যকৰী হোৱাকৈ সাংগঠনিক পদ অৰ্পণ কৰিছে।
ইণ্ডিয়া টুডেৰ তথ্য অনুসৰি সাংগঠনিক পুনৰ্গঠনৰ সমান্তৰালকৈ কংগ্ৰেছে তৃণমূল পৰ্যায়তো কেইবাটাও পদক্ষেপ গ্ৰহণ কৰি নিজৰ ভেটি সুদৃঢ় কৰাৰ পৰিকল্পনা কৰিছে। উল্লেখযোগ্য যে শেহতীয়াকৈ অনুষ্ঠিত হোৱা পাঁচটা বিধানসভাৰ নিৰ্বাচনৰ ভিতৰত চাৰিটাত নিৰ্বাচনী পৰাজয়ৰ পাছত দলটোত হোৱা সালসলনি ২০২৪ চনৰ মে’ মাহৰ পূৰ্বে অনুষ্ঠিত হ’বলগীয়া লোকসভা নিৰ্বাচনৰ পূৰ্বে দলটোক পুনৰুজ্জীৱিত কৰাৰ প্ৰয়াস হিচাপে দেখা গৈছে।
Continue Reading
