ডিজিটেল ডেস্কঃ সন্ত্ৰাসবাদৰ সন্দৰ্ভত আন্তঃৰাষ্ট্ৰীয় মঞ্চত পুনৰ উন্মোচিত হৈছে চীন। চীনে ভাৰত আৰু আমেৰিকাৰ লস্কৰ-ই-তৈবা সন্ত্ৰাসবাদী ছাজিদ মিৰক গ্ল’বেল টেৰ’ৰিষ্ট হিচাপে তালিকাভুক্ত কৰাৰ প্ৰস্তাৱক বাধা দিছে৷ ৰাষ্ট্ৰসংঘত আমেৰিকাই ছাজিদ মিৰৰ ওপৰত ৫০ লাখ ডলাৰৰ পুৰস্কাৰ ৰাখিছে।
যোৱা বছৰৰ ছেপ্টেম্বৰ মাহত চীনে ৰাষ্ট্ৰসংঘত মিৰক মনোনীত কৰাৰ প্ৰস্তাৱত স্থগিত ৰাখিছিল। একে সময়তে চীনে এই প্ৰস্তাৱক বন্ধ কৰি দিছে। ইয়াৰ পূৰ্বেও বহুবাৰ ৰাষ্ট্ৰসংঘৰ নিৰাপত্তা পৰিষদৰ নিষেধাজ্ঞা সমিতিৰ অধীনত পাকিস্তানস্থিত সন্ত্ৰাসবাদীক ব্লেকলিষ্ট কৰিবলৈ অনা প্ৰস্তাৱক চীনে বাধা দি আহিছে।
২০১১ চনৰ ২১ এপ্ৰিলত আমেৰিকাৰ জিলা আদালতকে ধৰি কেইবাখনো আদালতে মিৰৰ বিৰুদ্ধে অভিযোগ উত্থাপন কৰে। তেওঁৰ বিৰুদ্ধে বিদেশী চৰকাৰী সা-সম্পত্তিৰ ক্ষতিৰ ষড়যন্ত্ৰ কৰা, সন্ত্ৰাসবাদীক সহায় কৰা, আমেৰিকাৰ বাহিৰত এজন নাগৰিকক হত্যা কৰা, ৰাজহুৱা স্থানত বোমা বিস্ফোৰণৰ অভিযোগ উত্থাপন হৈছিল। ২০১১ চনৰ ২২ এপ্ৰিলত মিৰৰ বিৰুদ্ধে গ্ৰেপ্তাৰৰ পৰোৱানা জাৰি কৰিছিল আমেৰিকাই।
Continue Reading
