ডিজিটেল ডেস্ক: মাৰাঠা কোটাৰ পক্ষত অৱস্থান গ্ৰহণ কৰিছে মহাৰাষ্ট্ৰ চৰকাৰে৷ মুখ্যমন্ত্ৰী একনাথ সিন্দেই আজি তেওঁৰ চৰকাৰে ৰাজ্যজোৰা প্ৰতিবাদৰ বিষয়ে আলোচনা কৰিবলৈ আহ্বান জনোৱা এক সৰ্বদলীয় বৈঠকৰ পাছত মাৰাঠা কোঠাৰ পক্ষত মত প্ৰকাশ কৰিছে৷
সৰ্বদলীয় বৈঠকত নেতাসকলে কোটাপন্থী কৰ্মী মনোজ জাৰাঞ্জে পাটিলক তেওঁৰ অনিৰ্দিষ্টকালৰ অনশন প্ৰত্যাহাৰ কৰিবলৈ আহ্বান জনাই এক প্ৰস্তাৱো গৃহীত কৰে। ইয়াত সিন্দে, মহাৰাষ্ট্ৰৰ উপ-মুখ্যমন্ত্ৰী দেৱেন্দ্ৰ ফাডনাভিছ, এনচিপিৰ মুৰব্বী শাৰদ পাৱাৰ, উদ্ধৱ ঠাকৰে শিবিৰৰ নেতা অনিল পাৰাব আৰু বিধায়িনী সদনৰ বিৰোধী দলৰ নেতাই স্বাক্ষৰ কৰিছিল৷
সৰ্বদলীয় বৈঠক সমাপ্ত হোৱাৰ লগে লগে মহাৰাষ্ট্ৰৰ মুখ্যমন্ত্ৰী একনাথ সিন্দেই কয় যে ৰাজ্য চৰকাৰ সংৰক্ষণৰ পক্ষত আছে৷ সমাজকৰ্মী জাৰাঞ্জে মাৰাঠা সম্প্ৰদায়ৰ বাবে কোটা নিশ্চিত কৰাৰ ক্ষেত্ৰত চৰকাৰৰ সৈতে সহযোগিতা কৰা উচিত বুলি মুখ্যমন্ত্ৰী সিন্দেই সদৰী কৰে৷
তেওঁ কয় যে মাৰাঠাসকলে সংযম ৰক্ষা কৰি সংৰক্ষণ কাৰ্যকৰী কৰাৰ বাবে আইনী পদ্ধতিৰ বাবে চৰকাৰক সময় দিয়া প্ৰয়োজন।
এই প্ৰস্তাৱত মুখ্যমন্ত্ৰী সিন্দে, উপ-মুখ্যমন্ত্ৰী দেৱেন্দ্ৰ ফাডনাভিছ, এনচিপিৰ সভাপতি শাৰদ পাৱাৰ, শিৱসেনা (ইউবিটি)ৰ নেতা অনিল পাৰাব, মহাৰাষ্ট্ৰ বিধানসভাৰ বিৰোধী দলৰ নেতা বিজয় ৱাডেট্টিৱাৰ, বিধান পৰিষদৰ এলঅ’পি অম্বাদাস দানৱেৰ লগতে অন্যান্যসকলে স্বাক্ষৰ কৰে।
Continue Reading
