মাছৰ কাঁইট ডিঙিত লাগিলে তাৎক্ষণিকভাৱে কৰিবলগীয়া কিছু ঘৰুৱা টিপছ জানো আহক

ডিজিটেল ডেস্ক : অসমীয়া সমাজত মাছ খুবেই প্ৰিয়। কিন্তু বহু এনে লোক আছে কাঁইটৰ বাবে মাছ খাবলৈ ভয় কৰে, কাৰণ ডিঙিত কাঁইট লাগি ধৰাৰ অভিজ্ঞতা হয়তো কম-বেছি পৰিমাণে সকলোৰে আছে। আনন্দেৰে ভাত খোৱাৰ সময়তে ডিঙিত কাঁইট লাগিলে এটা ডাঙৰ দুৰ্যোগৰ দৰেই হৈ পৰে।

 দৰাচলতে বহু লোকে শুকান ভাত খালেও মাছৰ কাঁইট এৰাই যায় বুলি কয় যদিও ইয়াৰ পৰা কাঁইট সহজে এৰাই নাযায়। সেয়েহে মাছৰ কাঁইট ডিঙিত লাগি ধৰিলে সেই কাঁইট অনায়াসে আঁতৰাবলৈ আছে কেইবাটাও ঘৰুৱা দিহা।

১. ডিঙিত মাছৰ কাঁইট লাগিলে অলিভ অইল অলপ খাই দিব লাগে। যিহেতু অলিভ অইল আন তেলতকৈ পিচল সেয়েহে অলিভ অইলে ডিঙিত লাগি থকা মাছ কাঁইট পিচলি যোৱাত সহায়ক কৰে।

২. কুহুমীয়া গৰম পানীত নেমুৰ ৰস মিহলাই সেৱন কৰিলেও মাছৰ কাঁইট ডিঙিৰ পৰা এৰাই যায়। এনে কৰিলে মাছৰ কাঁইটডাল কোমল হৈ পৰে।

আকৌ পানীৰ লগত কিছু পৰিমাণৰ ভিনেগাৰ মিহলাই খালেও মাছৰ কাঁইট সহজেই ডিঙিৰ পৰা আঁতৰি যায়।

৩. নিমখেও মাছৰ কাঁইট কোমল কৰি তোলাত সহায় কৰে। কিন্তু কেৱল নিমখ খোৱাৰ পৰিৱৰ্তে পানীত নিমখ মিহলাই খাব লাগে। এই গৰম নিমখীয়া পানী খালে কাঁইট সহজেই ওলায় যায়।

৪. কাঁইটে ডিঙিত বিন্ধিলে কিছু ভাত বা ৰুটি সৰু সৰুকৈ কাটি লওক। গোটেইখিনি একেলগে গিলি পেলাওক। ইয়াৰ ফলত ডিঙিত আবদ্ধ হৈ থকা কাঁইটত ভাতৰ লদা বা ৰুটিৰ টুকুৰা খুন্দা মাৰিলে সহজেই এৰি যায়।