মাছৰ পিঠিত আল্লা-মহম্মদৰ নাম! মাছটো কিনিবলৈ হেতা-ওপৰা বহু মুছলমান লোকৰ

ডিজিটেল ডেস্কঃ এটা মাছে তুলিছে খলকনি। মাছটোৰ এফালে লিখা আছে 'আল্লা' আৰু আনটো ফালে লিখা আছে 'মহম্মদ'। উত্তৰ প্ৰদেশৰ বুলন্দ চহৰত এই মাছটোক লৈ যথেষ্ট চৰ্চা আৰম্ভ হৈছে। অংকুৰ সিংঘল নামৰ এজন হিন্দু লোকৰ ঘৰৰ একুৰিয়ামত আছে এই অসাধাৰণ মাছটো। মাছটো অস্কাৰ প্ৰজাতিৰ অন্তৰ্গত।

অংকুৰ সিংঘলৰ ড্ৰাই ক্লিনিঙৰ ব্যৱসায় আছে। তেওঁৰ সৈতে কাম কৰা এজন মুছলমান লোকে একুৰিয়ামত নাচি থকা মাছটোৰ এফালে 'আল্লা' আৰু আনফালে 'মহম্মদ' লিখা আছে বুলি ধৰা পেলাইছিল। অংকুৰ সিংঘলে লোকজনৰ কথা বিশ্বাস কৰা নাছিল, সেয়েহে মাছটো দেখুৱাবৰ বাবে তেওঁ আৰৱী আৰু উৰ্দু ভাষা জনা লোকক ঘৰলৈ মাতি আনে।

আৰৱী আৰু উৰ্দু ভাষা জনা বহু কেইজন লোকে কলে যে হয় কথাটো সঁচা…মাছটোৰ দেহত আল্লা-মহম্মদৰ নাম খোদিত আছে। ইয়াৰ পাছতেই মাছটো ক্ৰয় কৰিবৰ বাবে অংকুৰ সিংঘলৰ ঘৰত মানুহে আহি ভিৰ কৰিছেহি। বহুতো মুছলমান লোকে এই মাছটোৰ মূল্য ৩ লাখৰ পৰা ৫ লাখ টকালৈকে দিবলৈ ওলাইছে। কিন্তু অংকুৰ সিংঘল মাছটো বিক্ৰী কৰিবৰ বাবে মান্তি হোৱা নাই।

আল্লা-মহম্মদৰ নাম লিখা মাছটোৰ কথা গম পোৱাৰ লগে লগে বহু মানুহ আহিছে মাছটোৰ সৈতে ছেলফী তুলিবলৈ। অংকুৰ সিংঘলে যোৱা ১০ বছৰ ধৰি একুৰিয়ামত মাছ পুহি আছে। এই অসাধাৰণ অস্কাৰ মাছটো ৩ বছৰ পূৰ্বে তেওঁ ঘৰলৈ আনিছিল। মাছটো ডাঙৰ হৈ অহাৰ লগে লগে আল্লা-মহম্মদৰ নাম স্পষ্ট হৈ পৰিছে।

আৰু পঢ়কঃ ‘মেহেংগায়ী হাটাও’! ছোনিয়া, ৰাহুল, প্ৰিয়ংকা গান্ধীৰ উপস্থিতিত কংগ্ৰেছৰ বিশাল ৰেলী