মাদক দ্ৰব্য সেৱন কৰাই যুৱতীক ধৰ্ষণ! জনপ্ৰিয় গায়কৰ বিৰুদ্ধে গুৰুতৰ অভিযোগ

ডিজিটেল ডেস্ক : এগৰাকী জনপ্ৰিয় গায়কৰ বিৰুদ্ধে ধৰ্ষণৰ অভিযোগত ৰুজু হৈছে গোচৰ৷ যুৱতীক নিচাযুক্ত দ্ৰব্য খুৱাই ধৰ্ষণ কৰাৰ অভিযোগ উঠিছে গায়কজনৰ বিৰুদ্ধে৷ হলীউডৰ জনপ্ৰিয় গায়ক ক্ৰিছ ব্ৰাউনৰ বিৰুদ্ধে উঠিছে এই বিস্ফোৰক অভিযোগ। মাদক দ্ৰব্য সেৱন কৰাই এগৰাকী যুৱতীক ধৰ্ষণ কৰাৰ অভিযোগ উত্থাপন হৈছে গায়কগৰাকীৰ বিৰুদ্ধে। অভিযোগকাৰীয়ে গায়কজনৰ পৰা ২০কোটি ডলাৰৰ ক্ষতিপূৰণ দাবী কৰিছে। অভিযোগ অনুসৰি, জাহাজত পাৰ্টী চলি থকাৰ সময়তে ক্ৰিছে তেওঁক পানীয় গ্ৰহণ কৰিবলৈ দিছিল। এই পানীয় খোৱাৰ পাছত ভুক্তভোগী যুৱতীগৰাকীয়ে শাৰীৰিক অস্বস্তি অনুভৱ কৰাৰ লগতে তেওঁৰ মূৰ ঘূৰাবলৈ আৰম্ভ কৰিছিল। তেওঁৰ সেই অৱস্থাৰ সুযোগ গ্ৰহণ কৰে গায়কজনে। যুৱতীগৰাকীয়ে এই ঘটনাৰ প্ৰতিবাদ কৰা স্বত্বেও ক্ৰিছে জাহাজৰ এটা কোঠালৈ লৈ গৈ ধৰ্ষণ কৰাৰ গুৰুতৰ অভিযোগ উত্থাপন কৰে৷ অভিযোগ পত্ৰত উল্লেখ থকা অনুসৰি, ঘটনাটো ২০২০ চনৰ ৩০ ডিচেম্বৰত সংঘটিত হৈছিল। সেই সময়ত, মহিলাগৰাকী অপ্ৰস্তুত হৈ পৰা বাবে আৰক্ষীৰ ওচৰলৈ যোৱা নাছিল। ভুক্তভোগী যুৱতীগৰাকীও এগৰাকী গায়িকা হোৱাৰ লগতে এগৰাকী নৃত্যশিল্পীও। ঘটনাটো পোহৰলৈ অহাৰ পাছত ক্ৰিছে তেওঁৰ ইনষ্টাগ্ৰামত প্ৰতিক্ৰিয়া প্ৰকাশ কৰিছে। তেওঁ কয়, 'মিছা কথাৰ ধৰণটো নিশ্চয় আপুনি বুজিব পাৰিছে। যেতিয়াই মই এটা গানত কাম কৰা আৰম্ভ কৰোঁ, 'তাৰা'য়ে মোৰ নামত অৰ্থহীন কথা কয়।'