ডিজিটেল ডেস্কঃ দৰা হ’বলৈ সাজু হৈছে হৃত্বিক ৰোশন। ৰণবীৰ কাপুৰৰ পিছত এইবাৰ বলীউডত হৃত্বিক ৰোশনৰ বিয়াৰ গুঞ্জন উঠিছে। তেওঁতকৈ ১২ বছৰৰ সৰু প্ৰেমিকা ছাবা আজাদৰ সৈতে হৃত্বিক ৰোশন বিবাহপাশত আৱদ্ধ হ’ব বুলি ইতিমধ্যেই বলীউডৰ ভিতৰচৰাত গুণগুণনি উঠিছে। হৃত্বিক ৰোশনে কেইবামাহো ধৰি অভিনেত্ৰী ছাবা আজাদৰ লগত ডেটিং কৰি আছে। তেওঁলোকে নিজৰ সম্পৰ্কক কেতিয়াও লুকুৱাই ৰখা নাই। দুয়োকে ভিন্ন স্পটত একেলগে দেখা যায়।
শেহতীয়াকৈ প্ৰকাশ পোৱা খবৰ অনুসৰি দুয়ো অতি সোনকালে বিবাহপাশত আবদ্ধ হ’ব। কিছুদিন পূৰ্বে হৃত্বিক আৰু ছাবা বিদেশলৈ ছুটীত গৈছিল আৰু তেওঁলোকৰ ফটোও ছ’চিয়েল মিডিয়াত ভাইৰেল হৈছিল। তেওঁলোকৰ বিয়া কেতিয়া এই সন্দৰ্ভত কোনো আনুষ্ঠানিক তথ্য নাই যদিও বহু সংবাদ মাধ্যমত প্ৰকাশ পাইছে যে অতি শীঘ্ৰেই হৃত্বিক ৰোশন আৰু ছাবা আজাদে সাত ফেৰে ল’ব।
শেহতীয়াকৈ ফিল্মফেয়াৰে এটা পোষ্ট শ্বেয়াৰ কৰিছে য’ত লিখা আছে যে হৃতিকে হয়তো অতি সোনকালে ছাবাৰ সৈতে বিবাহপাশত আবদ্ধ হ’ব। এই খবৰ মিডিয়া ইণ্ডাষ্ট্ৰীত অতি দ্ৰুতগতিত বিয়পি পৰিছে। বিখ্যাত জ্যোতিষী বেজন দাৰুৱালাই ভৱিষ্যদ্বাণী কৰিছিল যে হৃত্বিকে দ্বিতীয়বাৰৰ বাবে বিয়া পাতিব। এই ভৱিষ্যদ্বাণী তেওঁ তেতিয়া কৰিছিল যেতিয়া হৃত্বিকে তেওঁৰ প্ৰথম পত্নী চুজান খানক বিবাহ বিচ্ছেদ কৰিছিল।
উল্লেখ্য যে প্ৰথমে মুম্বাইৰ এখন ৰেষ্টুৰেণ্টৰ পৰা ছাবাৰ লগত ওলাই যোৱা দেখিবলৈ পোৱা গৈছিল হৃত্বিকক। আৰু তেতিয়াৰ পৰা দুয়োজনে ইজনে সিজনৰ লগত ডেটিং কৰাৰ খবৰ প্ৰকাশ পাই আহিছিল। ইয়াৰ পিছতে প্ৰথমবাৰৰ বাবে কেমেৰাৰ সন্মুখত দুয়ো একেলগে আনুষ্ঠানিকভাৱে প’জ দিছিল কৰণ জোহৰৰ জন্মদিনৰ পাৰ্টিত। হৃত্বিকৰ সকলো পাৰিবাৰিক কাৰ্য্যত ছাবাক উপস্থিত হোৱা দেখা যায়। হৃত্বিকৰ পৰিয়ালৰ সৈতেও ঘনিষ্ঠ হৈ পৰিছে ছাবা আজাদ। এতিয়া মাঁথো অপেক্ষা কেতিয়া বাজিব হৃত্বিক-ছাবাৰ বিয়াৰ ছেহনাই।
Continue Reading
