ডিজিটেল ডেস্কঃ এগৰাকী মহিলাৰ মহান ত্যাগৰ কথা শুনিলে চকু সেমেকিব আপোনাৰ। কৰ্ণাটকৰ সেই সাহসী মহিলাগৰাকীৰ বয়স আছিল মাত্ৰ ৩৩ বছৰ। নাম অৰ্চনা কামাথ। এখন ঘৰৰ মৰমৰ বোৱাৰী আছিল অৰ্চনা।
শহুৰেকৰ ঘৰৰ লগত তেওঁৰ সম্পৰ্ক ইমানেই ভাল আছিল যে তেওঁ কৰিলে এক মহান ত্যাগ। যি ত্যাগ কৰি মৃত্যুক সাবটি ললে অৰ্চনাই।
শাহুৱেকৰ ভনীয়েক অৰ্থাৎ স্বামীৰ নিজৰ মাহীৰ বাবে নিজৰ লিভাৰ দান কৰিবলৈ সন্মত হৈছিল। পৰিয়ালৰ লোকে অলপ দ্বিধাবোধ কৰিছিল যদিও অৰ্চনাই এই কামত একেবাৰেই দ্বিধাবোধ কৰা নাছিল। মাহীৰ বয়স আছিল ৬৩ বছৰতকৈও অধিক। তেওঁ লিভাৰৰ সমস্যাত ভুগিছিল, সেয়েহে তেওঁৰ লিভাৰ ট্ৰান্সপ্লাণ্ট কৰাটো জৰুৰী আছিল। পৰিয়ালে দাতা বিচাৰিবলৈ ধৰিলে।
অৰ্চনাই মাহীশাহুক লিভাৰ দান কৰিবলৈ আগবাঢ়ি আহে। ৪ ছেপ্টেম্বৰত বেংগালুৰুৰ এখন চিকিৎসালয়ত অৰ্চনাৰ অস্ত্ৰোপচাৰ কৰি লিভাৰ দানৰ প্ৰক্ৰিয়া সম্পূৰ্ণ হয়। মাহীশাহুক অৰ্চনাই ৬০ শতাংশ লিভাৰ দান দিয়ে।
সাত দিন হাস্পতালতে থাকিব লগা হৈছিল অৰ্চনা। চিকিৎসালয়ৰ পৰা ৰিলিজ পোৱাৰ দিনা তেওঁৰ শৰীৰৰ সমস্যা হ’বলৈ ধৰিলে। অলপ পাছতে তেওঁক হাস্পতালত আকৌ ভৰ্তি কৰাব লগা হ’ল। সংক্ৰমণ বাঢ়ি গৈ তেওঁৰ মৃত্যু হয়।
তেওঁৰ সুখী সোণৰ সংসাৰখন ধ্বংস হৈ গ’ল। অৰ্চনাৰ পুত্ৰৰ বয়স মাত্ৰ ৪ বছৰ। স্বামী আৰু অৰ্চনাৰ সম্পৰ্ক আছিল অতি মধুৰ। মৰমী পত্নীক অকালতে হেৰুৱাই দুখত ভাগি পৰিছে স্বামী। অৰ্চনাই স্বেচ্ছাই নিজৰ আত্মীয়ক সহায় কৰিছিল যদিও অস্ত্ৰোপচাৰৰ পাছত হোৱা জটিলতাই তেওঁক আপোনজনৰ পৰা আঁতৰাই ৰাখিছিল।
অপাৰেচন প্ৰক্ৰিয়াটো সুচাৰুৰূপে চলিছিল যদিও পিছলৈ জটিলতা আহিছিল। চিকিৎসালয়ৰ পৰা ৰিলিজ পোৱাৰ পিছত অৰ্চনাই সমস্যা অনুভৱ কৰিবলৈ ধৰিলে। তেওঁক পুনৰ চিকিৎসালয়ত ভৰ্তি কৰোৱা হয়। সংক্ৰমণ বিয়পিবলৈ ধৰিলে।
অৰ্চনাক হেৰুৱাই পৰিয়ালৰ লোকৰ অৱস্থা বেয়া হৈ পৰিছে। পৰিয়ালটোৱে দীৰ্ঘদিন ধৰি লিভাৰ ড’নাৰ বিচাৰি আছিল, তাৰ পিছত এদিন অৰ্চনা নিজে আগবাঢ়ি আহিছিল সহায় কৰিবলৈ। মাহীশাহুৰ পুত্ৰই অৰ্চনাক সুধিছিল যে তেওঁ এই কাম কৰিবলৈ সম্পূৰ্ণৰূপে সাজু নে? অৰ্চনাই একেষাৰতে সাজু বুলি ক’লে।
৯ বছৰ আগতে বিয়া হৈছিল অৰ্চনাৰ। এতিয়া মানুহে ছ’চিয়েল মিডিয়াত লিখিছে যে তেওঁ আছিল এগৰাকী এঞ্জেল যিয়ে আনৰ বাবে নিজৰ প্ৰাণ আহুতি দিলে। তেওঁৰ পৰিয়াললৈ সমবেদনা জ্ঞাপন কৰিছে ৰাইজে।
Continue Reading
