ডিজিটেল ডেস্কঃ মাক হোৱাৰ পাছত বহুত কিবাকিবি শিকিছে আলিয়া ভাটে। মাতৃত্ব অৰ্জনৰ পাছত এখন সংবাদপত্ৰৰ আগত প্ৰথমবাৰৰ বাবে মুখ খুলিছে আলিয়াই।
“মাত্ৰ তিনি সপ্তাহৰ ভিতৰতে মাতৃত্বই মোক অনেক সলনি কৰি তুলিছে।”- অভিনেত্ৰীগৰাকীয়ে কয়।
মাক হোৱাৰ পাছত ছৱিৰ চৰিত্ৰ নিৰ্বাচনৰ ক্ষেত্ৰত কি ভূমিকা ল’ব, সেই বিষয়েও সাক্ষাৎকাৰত জনায় আলিয়াই।
“মই যিধৰণে কোনো এটা চৰিত্ৰ নিৰ্বাচন কৰো, সেই ক্ষেত্ৰত মই মা হোৱাৰ বিষয়টোৱে কেনেদৰে প্ৰভাৱ পেলাব, সেয়া মই নাজানো।”- আলিয়াই কয়।
“মাতৃত্বই জীৱনৰ প্ৰতি মোৰ দৃষ্টিভংগীৰ অনেকাংশ সলনি কৰি পেলাইছে। ভাৱ হয়, আগতকৈ এতিয়া মোৰ মন অধিক উন্মুক্ত হৈ পৰিছে।”- আলিয়াই কয়।
উল্লেখ্য চলিত বৰ্ষত মাতৃত্ব অৰ্জনৰ উপৰিও কেইবাখনো ছৱিৰে প্ৰশংসিত হৈছে আলিয়া। ‘গংগুবাঈ কাথিয়াৱাড়ি, আৰআৰআৰ, ব্ৰহ্মাস্ত্ৰৰ দৰে ছৱি কৰিছে অভিনেত্ৰীগৰাকীয়ে। ৱণ্ডাৰ ৱ’মেন গাল গাডোৰ স’তে হলিউডৰ ‘হাৰ্ট অৱ ষ্টোন’তো চৰিত্ৰ ৰূপায়ন কৰিছে আলিয়াই।
Continue Reading
