ডিজিটেল ডেস্কঃ পুনৰ প্ৰেক্ষাপটত বিতৰ্কিত বিজেপি নেত্ৰী প্ৰজ্ঞা ঠাকুৰ৷ ২০০৮ চনৰ মালেগাঁও বিস্ফোৰণ গোচৰৰ অভিযুক্ত বিজেপিৰ সাংসদ প্ৰজ্ঞা সিং ঠাকুৰ সোমবাৰে (২৫ ছেপ্টেম্বৰ) মুম্বাইৰ NIA আদালতত হাজিৰ হয়। এই সময়ছোৱাত তেওঁ কংগ্ৰেছক লক্ষ্য কৰি কয় যে তেওঁলোকৰ বাবেই তেওঁৰ স্বাস্থ্যৰ অৱনতি ঘটিছে।
বিজেপি নেত্ৰী প্ৰজ্ঞা সিং ঠাকুৰে কয় যে কংগ্ৰেছে যি হাৰাশাস্তি কৰিলে সেয়া সকলোৱে দেখিছে। মই আগতে সুস্থ আছিলো, কিন্তু আৰক্ষীৰ জিম্মাত অহাৰ লগে লগে মোৰ সমস্যা বাঢ়িবলৈ ধৰিলে।জেললৈ যোৱাৰ সময়ত মই সুস্থ আছিলো, কিন্তু উভতি অহাৰ সময়ত মই বিচনাত পৰি আছিলো, কেন্সাৰ, মেৰুদণ্ডৰ সমস্যা আৰু স্নায়ুৰ সমস্যাত ভুগিছিল। ইয়াৰ কাৰণ কংগ্ৰেছ চৰকাৰ আৰু এ টি এছ।
প্ৰজ্ঞা সিং ঠাকুৰে কয় যে সোমবাৰে সকলোৱে আদালতত হাজিৰ হ’ব লাগিব। আমি তিনিদিন যাত্ৰা কৰি মুম্বাই পালোগৈ, কিন্তু মোৰ স্বাস্থ্য এনেকুৱা নহয় যে ইমান দূৰ যাত্ৰা কৰি ক’ৰ্ট পাব পাৰিম। ন্যায়াধীশে যেতিয়া ক’লে যে মই প্ৰতিদিনে আদালতত উপস্থিত থাকিব লাগিব, তেতিয়া মই আদালতত আবেদন কৰিলোঁ যে কংগ্ৰেছৰ পৰা অহা হাৰাশাস্তিৰ বাবে মোৰ স্বাস্থ্যৰ অৱনতি ঘটিছে, গতিকে আমাক কিছু সকাহ দিয়া উচিত। আদালতে এই কথা মানি ল’লে।তেওঁ আৰু কয় যে মই ভাবো আদালতে নিজৰ প্ৰক্ৰিয়া সম্পূৰ্ণ কৰিছে। এই বিষয়ে মই বিশেষ একো নকওঁ, কিন্তু নিৰ্যাতনৰ দ্বাৰা কেনেকৈ এটা ভুৱা পৰিৱেশৰ সৃষ্টি হৈছে। মোৰ কেচটো পৰিষ্কাৰ। ভগৱানেও এই কথা জানে। কোনে ক’ৰ্টলৈ আহে আৰু কোন নাহে সেই বিষয়ে একো ক’ব নোৱাৰো৷ মই মোৰ সকলো কৰ্তব্য পালন কৰো।
Continue Reading
