ডিজিটেল ডেস্কঃ উত্তৰ প্ৰদেশৰ সিদ্ধাৰ্থনগৰত পোহৰলৈ আহিছে এক হৃদয় বিদাৰক ঘটনা। চুৰিৰ অভিযোগত দুটা শিশুক অত্যাচাৰ কৰাৰ অমানৱীয়তাৰ সকলো সীমা অতিক্ৰম কৰে। আশ্চৰ্যজনক ঘটনাটো হৈছে দুমৰীয়াগঞ্জ তহচিল এলেকাৰ। হাঁহ-কুকুৰাৰ ফাৰ্মৰ পৰা ধন আৰু কুকুৰা চুৰি কৰি ধৰা পৰিল দুটা শিশু। শিশু দুটিক শাস্তিৰ নামত স্থানীয় লোকে খুউব বেয়াকৈ প্ৰহাৰ কৰে। প্ৰহাৰ কৰাৰ পাছত শিশুকেইটাই প্ৰস্ৰাৱ খাবলৈ বাধ্য হয়। তেওঁলোকৰ ওপৰত গুণ্ডাগিৰিৰ বৰ্বৰতা আৰু অধিক চলি থাকিল। দুয়োৰে কাপোৰ খুলি ব্যক্তিগত অংশত জলকীয়াগুৰি সানি দিয়া হয়। শিশুকেইকেইটা যন্ত্ৰণাত চিঞৰি উঠিছিল।
গুণ্ডাগিৰিৰ সন্মুখত শিশুসকলৰ চিঞৰ-বাখৰ আৰু অভিযোগৰ কোনো প্ৰভাৱ নপৰে । শিশুসকলৰ সৈতে চলি থকা অত্যাচাৰৰ ধাৰাবাহিকতা চলি থাকিল। মাৰপিট কৰি প্ৰস্ৰাৱ খোৱাৰ পাছতো দাদাগিৰি কৰা লোকৰ হৃদয় তৃপ্ত নহ’ল। শিশুকেইটাৰ হাতত পেট্ৰ’লৰ বেজী দিয়া হৈছিল। শিশুকেইটিৰ সৈতে হোৱা নিষ্ঠুৰতাৰ ভিডিঅ’ প্ৰকাশ পোৱাৰ পাছতে সাধাৰণ লোক স্তম্ভিত হৈ পৰে।সমগ্ৰ ঘটনাৰ দৃশ্য দেখাৰ পাছত আৰক্ষী বিভাগতো চাঞ্চল্যৰ সৃষ্টি হৈছিল।
অতিৰিক্ত আৰক্ষী অধীক্ষক সিদ্ধাৰ্থই জনোৱা মতে, ব্যৱস্থা গ্ৰহণ কৰাৰ সময়তে আৰক্ষীয়ে ৬ জন লোকক আটক কৰিছে। ঘটনা সন্দৰ্ভত অভিযুক্তৰ জেৰা অব্যাহত আছে। তদন্তৰ ভিত্তিত আৰক্ষীয়ে আইনী ব্যৱস্থা গ্ৰহণ কৰিব। কোৱা হৈছে যে দুয়োটা শিশুৱেই বিভিন্ন সম্প্ৰদায়ৰ। ১০ আৰু ১৫ বছৰীয়া শিশুৰ সৈতে সংঘটিত হোৱা অমানৱীয় কাণ্ডৰ ভিডিঅ’ পোহৰলৈ অহাৰ পাছতে অভিযুক্তৰ মানসিকতাক লৈ প্ৰশ্ন উত্থাপন কৰিছে ৰাইজে।
Continue Reading
