ডিজিটেল ডেস্ক: সশস্ত্ৰ পন্থাৰ পৰা সংসদীয় ৰাজনীতিলৈ উত্থান-পতনৰ বৰ্ণময় যাত্ৰা এগৰাকী বিধায়কৰ৷ তেলেংগানা বিধানসভালৈ বিধায়ক হিচাপে নিৰ্বাচিত হৈছে এসময়ৰ মাওবাদী নেতা দানাচাৰী আনাচুয়া৷
তেলেংগানা মন্ত্ৰীসভাৰ এজন আকৰ্ষণীয় সদস্য হৈছে মাওবাদীৰ পৰা বিধায়ক হোৱা দানাচাৰী আনাচুয়া, যাক ‘চিথাক্কা‘ বুলি জনা যায়৷ এইগৰাকী নেত্ৰীক মুখ্যমন্ত্ৰী ৰেৱন্ত ৰেড্ডীয়ে তেওঁৰ ভগ্নী বুলি পৰিচয় দি আহিছে৷ এসময়ত হাতত অস্ত্ৰ তুলি সশস্ত্ৰ সংগ্ৰামৰ পথ বাছি লোৱা চিথাক্কাৰ এতিয়াৰ লক্ষ্য হৈছে যুৱক-যুৱতীসকলক শিক্ষাৰ সুবিধা প্ৰদান কৰা, যাতে তেওঁলোকে নিজে নিজৰ ভৱিষ্যৎ লিখিব পাৰে।
সশস্ত্ৰ বিপ্লৱ ত্যাগ কৰি দানাচাৰীয়ে যোৱা বছৰ অক্টোবৰত পিএইচডি ডিগ্ৰী লাভ কৰিছিল৷
মুলুগুৰ ৫২বছৰীয়া জনজাতীয় বিধায়কগৰাকীক তিনিটা গুৰুত্বপূৰ্ণ মন্ত্ৰণালয় - পঞ্চায়তৰাজ, গ্ৰামোন্নয়ন আৰু মহিলা আৰু শিশু কল্যাণৰ দায়িত্ব অৰ্পণ কৰা হৈছে। শ্ৰমিক পিতৃ-মাতৃৰ ঘৰত জন্মগ্ৰহণ কৰা চিথাক্কাই মাওবাদী আন্দোলনত যোগদান কৰিছিল মাত্ৰ ১৪ বছৰ বয়সতে৷ স্কুলীয়া শিক্ষা শেষ হোৱাৰ বহু পূৰ্বে তেওঁ মাওবাদী আন্দোলনত যোগ দিছিল৷ তেওঁ উগ্ৰপন্থী গোটৰ এগৰাকী কমাণ্ডেণ্ট চিথাক্কা হৈ উঠিছিল আৰু কাৰাগাৰলৈ গৈছিল আৰু তাৰ পিছত ১৯৯৭ চনত এই সকলো ত্যাগ কৰিছিল।
যেতিয়া তেওঁ মাওবাদী আন্দোলনত আছিল, তেতিয়া তেওঁ এটি পুত্ৰ সন্তানৰ জন্ম দিছিল, যাক তেওঁ আৰু তেওঁৰ স্বামীয়ে এৰি দিব লগা হৈছিল।
পাছত চিথাক্কাই বাঁওপন্থী উগ্ৰপন্থী আন্দোলন ত্যাগ কৰিছিল আৰু আদৰ্শগত পাৰ্থক্যৰ বাবে তেওঁৰ স্বামীৰ সৈতে পৃথক হৈছিল।
Continue Reading
